د مزار شریف – دره صوف ۵۶.۳ کیلومتره سړک د اساسي بیا رغونې چارې ۵۱ سلنه بشپړې شوې دي
د ا.ا.ا د ټولګټو وزارت له لوري د مزار شریف – دره صوف ۵۶.۳ کیلومتره سړک د اساسي بیا رغونې چارې د ۱۵۹ میلیون افغانیو په لګښت تېر کال پيل شوې وې چې دا مهال ۵۱ سلنه بشپړې شوې دي.
د مزارشریف - دره صوف سړک ۵۶.۳ کیلومتره اوږدوالی لري، چې د بلخ ولایت له مرکز مزارشریف څخه پیل د سمنګان ولایت تر دره صوف ولسوالۍ پورې رسیږي او په اوږدو کې یې د یو شمېر پلګوټو او استنادي دېوالونو د ترمیم او بیارغونې کارونه هم شامل دي.
د یادې پروژې د چارو په بشپړېدو سره به د خلکو ترانسپورټي ستونزې د پخوا په پرتله هوارې شي او د کرنیزو او سوداګریزو توکو په چټک او خوندي انتقال کې به د پام وړ اسانتیاوې رامنځته شي.
