د میدان وردګو ولایت د چک ولسوالۍ د ۲۴ کيلومتره نښلوونکي سړک د ترمیم چارې د څه باندې ۱۰ میلیونه افغانیو په ارزښت جریان لري
د ا.ا.ا ټولګټو وزارت د ميدان وردګو ولایت د چک ولسوالۍ سړک د ترمیم چارې د څه باندې ۱۰ میلیونه افغانیو په ارزښت له خصوصي سکتور سره قرارداد کړې وې، چې دامهال عملاً جریان لري.
دغه پروژه د ۲۴ کیلومترو په اوږد والي سره د میدان وردګو ولایت له ټوپ دښتې څخه پیل د یاد ولایت تر چک ولسوالۍ پورې رسیږي، چې په اوږد کې یې د یو شمیر پلونو، پلګوټو او استنادي دیوالونو د ترمیم چارې هم شاملې دي.
د یاد سړک د کار په جریان کې د سیمې یو شمېر اوسېدونوکو ته د کار زمینه برابره شوې ده او په ترمیم سره به یې د هېواد والو د تګ راتګ او کرنیزو محصولاتو د انتقال په برخه کې د پام وړ آسانتیاوې رامنځته شي.
