د میدان وردګ – غزني سړک د اساسي ترمیم او بیا رغونې کار پیل شو

ashraf_admin
یکشنبه ۱۴۰۱/۶/۲۷ - ۱۱:۳۰
د میدان وردګ – غزني سړک د اساسي ترمیم او بیا رغونې کار پیل شو

د ټولګټو وزارت له لوري د میدان وردګ – غزني سړک د اساسي ترمیم او بیا رغونې کار د ټولګټو وزارت د تخنیکي معین محترم مولوي عبد الکریم فاتح، د میدان وردګو ولایت والی محترم حافظ محمد امین عمري، د ملي رادیو تلوېزیون عمومي رئیس محترم مولوي احمد الله وثیق، د میدان وردګو ولایت امنیه قمندان، د ټولګټو وزارت ویاند محترم مولوي حمیدالله مصباح، د وزارت د یو شمېر تخنیکي کارکونکو او د میدان وردګو ولایت د قومي مخورو په شتون کې د پټۍ په پرېکولو سره نن رسماً پیل شوې.

په همدې موخه په جوړو شویو مراسمو کې د ټولګټو وزارت تخنیکي معین خبرې وکړي او د یادې ترمیماتي پروژې په اړه یې مفصل معلومات وړاندې کړ، هغه زیاته کړه:

 دا سړک ۸۰ کیلومتره اوږدوالی، ۷ متره پلنوالی او ۳ متره د سړک غاړې لري، چې د میدان وردګو ولایت له دوراني بازار څخه پیلیږي او د غزني ولایت تر مرکز پورې رسیږي. هغه همدارنګه وویل: د دغه سړک په اساسي ترمیم او بیارغونه کې د ۵ پایو پلونو ترمیم او بیارغونه، د ٦٨ پایو نویو پلګوټو رغونه، د ٩٩ پایو ویجاړو شویو پلګوټو بیارغونه، د ۱۸۶ مترو معبرونو بیارغونه او د ۲۰۰ مترو استنادي دیوالونو جوړول هم شامل دي. هغه زیاته کړه؛ د سړک د ترمیم دغه پروژه د پنځه (۵) میلیونه امریکایي ډالرو په ارزښت د بصیر احمدزي ساختماني او سړک جوړونې شرکت سره قرارداد شوې ده، چې لګښت یې د ټال پلازا (Toll) له لارې ورکول کیږي او تر راتلونکو (۹) میاشتو پورې به یې چارې بشپړي شي.

د ټولګټو وزارت تخنیکي معین همدارنګه وویل: د الله تعالی په مرسته فتح او بریا د افغانستان د خلکو په برخه شوه او اوس د دې وخت را رسېدلی، چې د هیواد د بیارغونې او پرمختګ لپاره په ګډه، نه ستړې کیدونکي هلي ځلي وکړو، هغه وویل: ټولګتو وزارت هڅه کوي، چې د کابل – هرات لویه لار په بشپړ ډول په اساسي توګه ترمیم او بیاورغوي، چې د لومړۍ برخې (کندهار – زابل) سړک کار له وړاندې پیل شوی دی او د دویمي برخې ( میدان ورګ – غزني ) سړک کار اوس مهال پیل شو.

ورپسې د میدان وردګو ولایت والي د یادې پروژې په ارزښت خبرې وکړي او دا یې د اقتصادي پرمختګ او د خلکو د ترانسپورتي ستونزو د هوارولو په برخه کې ستر ګام یاد کړ، هغه په دغه ولایت کې د پروژو د تطبیق په برخه کې د همکاري ډاډ ورکړ.

دغه راز، د سیمې یو شمېر قومي مخورو هم خبرې وکړي او د یادې پروژې پر تطبیق یې خوښي څرګنده کړه، هغوی د افغانستان اسلامي امارت د ټولګټو وزارت هڅي وستایلې او په میدان وردګو ولایت کې یې د نورو پروژو د تطبیق غوښتنه هم وکړه.

د یادونې وړ ده، د کابل – هرات لویه لار، شاوخوا ۹۰۰ کيلو متره اوږدوالی لري، چې په تېرو کلونو کې د لوړ تناژ باروړنکو موټرو د زیات وزن له امله تخریب شوې ده.

د یادې لویې لارې د اساسي ترمیم او بیارغونې پرمهال به یو شمیر هیوادوالو ته په مستقیم او غیر مستقیم ډول د کار زمینه برابره شي او د کار له بشپړېدو سره به یې د خلکو شته ترانسپورتي ستونزې هواري شي.

 

دټولګټو وزارت رسنیز دفتر

...

13 ساعتونه ago

...

...

تازه خبرونه

پنجشنبه ۱۴۰۱/۷/۷ - ۱۳:۲۲
Background image

لوګر: د خوښي – ازري ۴۵ کیلومتره سړک د هموارکاري او چغل اچونې کار دوام لري:

د لوګر ولایت د ټولګټو ریاست د ماشینري او تخنیکي پرسونل پر مټ د دغه ولایت د خوښي – ازري سړک د هموارکاري او چغل اچونې کار دوام لري.

دا سړک، چې ۴۵ کیلومتره اوږدوالی لري، د یاد ولایت له. . .

پنجشنبه ۱۴۰۱/۷/۷ - ۱۱:۵۲
Background image

د ټولګټو وزارت د کلني پلانونو د تطبیق په موخه د ظرفیت لوړونې ۱۰ ورځنی سیمینار تر سره شو

د ټولګټو وزارت د کلني پلانونو د تطبیق او د ریاست الوزرأ د عالي مقام حکم د اجرأ په موخه د دغه وزارت د کارکوونکو او مفتشینو د ظرفیتونو لوړولو په موخه ۱۰ ورځنی سیمینار جوړ شو.

په دغه. . .

چهارشنبه ۱۴۰۱/۷/۶ - ۱۲:۱۲
Background image

د ټولګټو وزارت د یو شمیر ولایتي ریاستونو ورځني فعالیتونه

هیوادوالو ته د ترانسپورتي اسانتیاوو د برابرولو په موخه د ټولګټو وزارت ټول ولایتي ریاستونه له شته ماشینري او اړوند تخنیکي پرسونل څخه په ګټې اخیستلو سره هره ورځ د هیواد په بیلابیلو برخو. . .

BACK TO NEWS