د هیواد د لویو لارو او سړکونو د وضعیت څرنګوالی
د ټولګټو وزارت د ولایتي ریاستونو د راپورنو په اساس د هیواد د لویو لارو او سړکونو وضعیت په لاندې ډول دی:
د سالنګ لویه لار: د واورې د اورښت او تېز باد له کبله دا لویه لار په لنډ مهاله توگه د ترافیکو د تگ راتگ پرمخ بنده شوې ده.
بامیان: په دې ولایت کې د واورې اورښت دوام لري، د حاجګک، دښت دیوالي – پنجاب بازار، آبقل کرمان او د ورس – قناق کوتلونو لارې بندې دي؛ خو نورې غځېدلي لارې بیا پرانیستې دي.
غور: د واورې اورښت دوام لري، او ډيری غځیدلي لارې یې د ترافیکو پرمخ بندې دي.
دایکنډي: د واورې اورښت دوام لري، د قناق کوتل – جوز بازار لار د ترافیکو پرمخ بنده شوي ده؛ خو نورې غځېدلي لارې بیا پرانیستې دي.
همدارنګه، په کابل، میدان وردګ، پروان، پنجشیر، بدخشان او بغلان ولایتونو کې د واورې اورښت دوام لري او په نورو ولایتونو کې بیا د واورې او یا باران اوریدلو احتمال شته، خو د یادو ولایتونو ټولي غځېدلي لارې تر دې مهاله د ترافیکو د تګ راتګ پرمخ پرانیستې دي.
