د کابل – جلال آباد دویم لین سړک پر مسیر یوې پایه تلې مکمل کمپلیکس جوړ او ګټې اخیستنې ته وسپارل شو
د ټولګټو وزارت له لوري د ننګرهار ولایت په سره رود ولسوالۍ کې د کابل – جلال آباد دویم لین سړک پر مسیر د لوړ ټناژ بار وړونکو وسایطو د کنټرول او د یاد سړک د تخریب د مخنیوي په موخه یوه پایه تله نصب او د ننګرهار ولایت د مرستیال والي مولوي عزیزالله مصطفی، د یاد ولایت د ټولګټو رئیس مولوي احمد احمدي او یو شمېر مسئولینو په شتون کې ګټې اخیستنې ته وسپارل شوه.
د یادې تلې په فعالیدو سره به د لوړ تناژ وسایطو وزن کنترول او د کابل – جلال آباد دویم لین سړک له ویجاړیدو څخه به مخنیوی وشي.
