د کندهار ـ سپین بولدک د دویم لین سړک رغنیزې چارې په بشپړېدو دي چې ژر به ګټې اخستنې ته وسپارل شي.
د کندهار ـ سپین بولدک د دویم لین سړک رغنیزې چارې په بشپړېدو دي چې ژر به ګټې اخستنې ته وسپارل شي.
د مرغومې ۳۰، ۱۳۹۹
دا سړک ۴۰ کیلومتره اوږدوالی او ۱۱،۲ متره پلنوالی لري چې د کندهار ولایت له هوایي ډګر څخه پیل د دغه ولایت د ارغستان او تخته پُل ولسوالیو له منځه تر سپین بولدک ولسوالۍ پورې غځیدلی.
د یاد سړک په اوږدو کې یوه پایه ۳۲۰ متره پُل، په بیلابیلو اندازو کې ۹۶ پُلګوټي او ۳ معبرونه هم شته چې رغنیز تړون یې له یوه خصوصي ودانیز شرکت سره د څه باندې یو میلیارد افغانیو په ارزښت شوی او لګښت یې د افغانستان له پراختیايي بودجې ورکول کیږي.
د دې پروژې د کار پر مهال د سیمې ډېرو خلکو ته د کار زمینه برابره شوې چې ګټې ته تر سپارنې وروسته به سویل- لوېدیځ ولایتونه د ډېورنډ فرضي کرښې له چمن بازار سره ونښلوي او پر مهال به یې د کندهار مېوې او حاصلات په کم وخت کې تر بازارونو ورسیږي او د ټکرونو په کمښت کې به هم رول ولري.
د یادونې وړ ده چې دې پروژې ټولټال ۷۹،۶ کیلو متره اوږدوالی درلود چې لومړی لین یې د ۳۹،۶ کیلو متره په اوږدوالي سره وړاندې جوړ شوی و چې د دویم لین په بشپړېدو سره به یې دا دوه سړکه پروژه بشپړه شي.
د ټولګټو وزارت ـ کابل
