د کونړ په نرنګ ولسوالۍ کې د ۱۰۰ میلیون افغانیو په ارزښت د ۱۰ کیلو متره کانکریټي سړک د جوړېدو چارې پیل شوې
دا کانکریټي سړک چې۱۰ کیلومتره اوږدوالی او ۴.۸ متره پلنوالی لري، د ټولګټو وزارت له لوري د کونړ ولایت د نرګ ولسولۍ اړوند په بر نرنګ کلي کې جوړېږي.
د سړک د رغیدا یاده پروژه د ټولګټو وزارت او سیمه ییزو شوراګانو تر منځ د شاوخوا ۱۰۰ میلیونه افغانیو په ارزښت تړون شوي او ټول مالي لګښت یې د هېواد له پراختیایې بودیجې څخه ورکول کیږي.
ټولګټو وزارت پوره هڅه کوي تر څو د خلکو د ستونزو د حل په موخه ترانسپورتي اسانتیاو رامنځته کړي پر همدې بنسټ د هیواد په لرو پرتو سیمو کې پرختیایي پروژې پلي کوي.
د دې سړک د رغنیز کار له بشپړېدو سره به د نرنګ ولسوالۍ د اوسېدوونکو ټرانسپورټي ستونزې هوارې شي او پرمټ به یې د کونړ – ننګرهار له عمومي سړک سره ونښلول شي، دغه راز به د نرنګ ولسوالۍ ګڼو اوسېدوونکو ته د کار زمینه هم برابره شي.
د ټولګټو وزارت رسنیز دفتر
