په فاریاب ولایت کې د میمنې - فردوس ولسوالۍ د ۲۵ کیلومتره سړک د اساسي رغونې چارې روانې دي

kalim_admin
پنجشنبه ۱۴۰۵/۱/۲۷ - ۱۱:۵۹
په فاریاب ولایت کې  د میمنې -  فردوس ولسوالۍ د ۲۵ کیلومتره سړک د اساسي رغونې چارې روانې دي

د ا.ا.ا د ټولګټو وزارت له لوري د فاریاب ولایت اړوند د میمنې – فردوس سړک د اساسي رغونې چارې له خصوصي سکټور سره قرارداد شوې دي، چې دا مهال عملاً جریان لري.

یاد سړک، د ۲۵ کیلومتره اوږدوالي او ۹ متره پلنوالي سره د فاریاب ولایت له مرکز(میمنې ښار) څخه پیل د یاد ولایت تر فر دوس ولسوالۍ پورې رسیږي.

د یادې پروژې په اوږدو کې د ۲۳ پایو پلګوټو ، د ۶۱۰ متره استنادي دېوالونو او یو پایه ۶۰ متره پل د جوړولو چارې هم شاملې دي، چې اوسمهال یې رغنیزې چارې په چټکۍ سره جریان لري.

د سیمې خلک د یاد سړک د رغونې له چارو خوښ دي، او د کار په جریان کې یې د سیمې یو شمېر اوسېدونکو ته د کار زمینه هم برابره شوې ده.

دغه پروژه د سیمې د ترانسپورتي اسانتیاوو د ښه ‌والي، د خلکو د تګ‌ راتګ لپاره د اسانتیاوو د برابرولو، په ځانګړې توګه د ګرزیوان، بلچراغ او فردوس ولسوالیو د اوسېدونکو لپاره، او د اقتصادي فعالیتونو په پراختیا کې ځانګړی اهمیت لري.

...

۱ کال 2 میاشتې ago

...

تازه خبرونه

شنبه ۱۴۰۵/۸/۱۶ - ۱۵:۱۲
Background image

د ټولګټو وزارت محترم وزیر په کاپیسا ولایت کې د یو شمېر پروژو له کاري بهیر څخه لیدنه او ارزونه وکړه

د ا.ا.ا د ټولګټو وزارت محترم وزیر الحاج ملا محمد عیسی ثاني د ترانسپورتي زیربناوو د پراختیا، د سړکونو د رغنیزو چارو د کیفیت او چټکتیا د ډاډ ترلاسه کولو او د پروژو د کاري بهیر د ارزونې په. . .

پنجشنبه ۱۴۰۵/۸/۱۴ - ۱۰:۴
Background image

د ۱۴۰۵ هـ.ش کال په لومړیو شپږو میاشتو کې د اوسپنیزې لارې څخه د سوداګریزو توکو انتقالات څه باندې دوه برابره زیات شوي دي

د ۱۴۰۵ هـ.ش کال په لومړیو شپږو میاشتو کې د حیرتان، آقینې او تورغونډۍ بندرونو او د خواف ـ هرات د اوسپنیزې لارې له مسیر څخه په ټولیزه توګه ۴ میلیونه او ۸۸۸ زره او ۲۶۸ مټریک ټنه سوداګریز. . .

چهارشنبه ۱۴۰۵/۸/۱۳ - ۱۵:۱۶
Background image

د بلخ ولایت د چارکنت ولسوالۍ سړک په اوږدو کې د دوو پایو پلګوټو د ترمیم او بیارغنې چارې د څه باندې ۴.۴ میلیونه افغانیو په ارزښت پیل شوې

د ا.ا.ا د ټولګټو وزارت له لوري د بلخ ولایت د چارکنت ولسوالۍ سړک پر مسیر د دوو پایو پلګوټو  د ترمیم او بیا رغونې چارې د څه باندې ۴.۴ میلیونه افغانیو په ارزښت د بلخ ولایت د ټولګټو رئیس. . .

BACK TO NEWS