د میدان وردګ - بامیانو پر مسیر د ویجاړو پلګوټو د ترمیم کار پیل شو
د میدان وردګ - بامیانو پر مسیر د ویجاړو پُلګوټو د ترمیم او بیارغونې کار، د دغه ولایت د والي محترم حافظ محمد آمین عمري، د ټولګټو چارو رئیس، یو شمېر قومي مخورو او د سیمې یو شمېر اوسېدونکو په حضور کې پیل شول.
د یادو پُلګوټو د ترمیم او بیارغونې کار د یاد ولایت د ولایت مقام په مالي ملاتړ د ټولګټو ریاست له لوري پرمخ وړل کیږي.
د دغې ترمیماتي پروژو د کار په جریان کې به د سیمې یو شمېر اوسېدونکو ته په مستقیم او غیر مستقیم ډول د کار زمینه برابره شي او د چارو له بشپړېدو سره به د خلکو د تګ راتګ ستونزې هوارې شي.
