په بلخ کې د یوې پايې تلې د نصب او تعمیر جوړولو کار پیل شو
د سړکونو له ویجاړېدو څخه د مخنیوي په موخه؛ د لوړ تناژ باروړونکو موټرو د وزن د کنترول لپاره د ټولګټو وزارت له لوري د بلخ ولایت د دهداي ولسوالۍ په امام بکري سیمه کې د یوې پایې تلې (ترازو) د نصب او کارکوونکو ته یې د اوستګنې لپاره د یوه تعمیر د رغولو کار پیل شو.
همدارنګه د یاد ولایت د ټولګټو ریاست له لوري د بلخ – حیرتانو پر مسیر هغه دوکانونه او ودانۍ؛ چې په غیر قانوني ډول جوړ شوې وو او د ترافیکو په تګ راتګ یې له خنډ سره مخ کړی و له څو ځلې خبرتیا ورسته ونړول شول.
د ټولګټو وزارت رسنیز دفتر
