د ټولګټو وزارت سرپرست وزیر د جلال آباد - تورخم لويې لارې څخه له نږدې لیدنه وکړه
د ټولګټو وزارت سرپرست وزیر محترم الحاج ملا محمد عیسی ثاني ننګرهار ولایت ته د خپل کاري سفر په ترڅ کې چې د دغه وزارت یو شمېر مرکزي رئیسانو او د ننګرهار د ټولګټو رئیس يې ملتیا کوله د جلال آباد - تورخم لويې لارې له دويم لین څخه له نږدې لیدنه وکړه.
د جلال اباد - تورخم لویه لاره چې ۷۵ کیلو متره اوږد والی لري، رغنیزې چارې يې د ګاونډي هېواد پاکستان لخوا پرمخ وړل کېدلې
خو چارې يې بشپړې شوي نه وې، دغه راز دټولګټو وزارت سرپرست وزیر په دي اړه و ويل که چېرته د ياد سړک کار د پاکستان هېواد لخوا بیا پيل نشي، ټولګټو وزارت به یې په راتلونکې کال کې د ترميم او غونې کار بشپړ کړي.
دیادونې وړ ده چې دیاد وزارت سرپرست وزیر د جلال آباد - تورخم لویې لارې پر مسیر د دوو پایې پلونو د لعل پورې او فرضي کرښې ته نږدې له یو بل پل څخه د لیدنې ترڅنګ په دغه ولایت کې د جلال آباد ښار اړوند د نهمې حوزې او د تورخم بندر ته څيرمه دوه پايو تلو څخه هم لیدنه وکړه او اړوند مسؤلينو ته يې لارښوونه وکړه چې د يادو پُلونو د تخریب شويو پايو د بیارغونې چارې دې په چټکۍ سره تر سره کړي تر څو د دغو پلونو د لا تخریب مخه ونیول شي.
دغه راز د ننګرهار ولایت مقام ودانۍ په جوړه شوي ناسته کې د اسلامي امارت د ریاست الوزا اقتصادی مرستیال محترم ملا عبدالغني برادر آخوند، د ټولګټو وزارت سرپرست وزیر محترم ملا محمد عیسی ثاني، قومي مخورو، یو شمېر سیمه ییزو مسولینو او ملي پانګوالو پکې ګډون کړی وو د ټولګټو وزارت سرپرست وزیر دخپلو خبرو پرمهال د کابل - جلال آباد لویې لارې د دويم لین سړک د رغولو یادونه وکړه او وه يې ويل « ما شخصاً د کابل - جلال آباد د دويم لین څخه له نږدې لیدنه کړې ده او تخنيکي ټيمونه مو هم د ياد مسیر څخه د لیدنې په موخه ساحې ته لېږدولي، ټولګټو وزارت د رياست الوزرا اقتصادي مرستيال محترم الحاج ملا عبدالغني برادر اخند سره په ګډه همکارۍ بشپړ چمتووالی لري چې د افغانستان اسلامي امارت له زعیم امیرالمؤمنین حفظه الله سره موضوع شریکه او د مالي لګښت په تمویلیدو سره به يې د رغونې کار پيل کړي».
