د ټولګټو وزارت سرپرست وزیر د کابل – جلال آباد لویې لارې اړوند د غر ښويېدنې سیمې څخه لیدنه وکړه
د ټولګټو وزارت سرپرست وزیر محترم الحاج ملا محمد عیسی ثاني نن ورځ سهار د کابل – جلال آباد لویې لارې اړوند د کابل دروازې د ۳ کیلو مترۍ (ماهيپر) د غرښویدنې سیمې، بدیل مسیر او د استحکامي پلونو څخه له نږدي لیدنه وکړه.
دغه راز د ټولګټو وزارت سرپرست وزیر اړوند تیمونو ته دنده ورکړه چې غټې ډبرې دي د ماتوونکو وسايطو په وسیله ماتې کړي او د سړک له سطحې څخه دي لري کړي، ترڅو ژر ترژه اصلي مسیر د وسایطو د تګ راتګ پرمخ پرا نیستل شي.
د یادونې وړ ده چې د غر ښویدنې له ورځې تر دا مهاله د وسایطو تګ راتګ له فرعي( بدیل ) مسیر څخه چې پخوا د ټولګټو وزارت له لوري رغول شوی وو په نورمال ډول جریان لري.
