په پکتیکا ولایت کې د لوړ ټناژ بار وړونکو وسایطو د وزن د کنټرول په موخه دیوې پایې تلې د نصب چارې د ۵ میلیونه افغانیو په ارزښت پیل شوې
د ټولګټو وزارت له لوري د پکتیکا ولایت د مرکز ښرنې اړوند په بند سردې سیمه کې د سړک تخریب د لا مخنیوي او د لوړ ټناژ بار وړونکو وسایطو د وزن د کنټرول په موخه، د یوې پایې تلې د نصب چارې د ۵ میلیونه افغانیو په ارزښت د پکتیکا ولایت د مرستیال والي محترم الحاج مولوي مخدوم عبد الستار سعادت، د یاد ولایت د ټولګټو د رئیس محترم مولوي محمد اکبر عادل او یو شمیر سیمه ییزو مسولانو په شتون کې پیل شوې.
د یادونې وړده، چې د یادې تلې لپاره د یو باب یو پوړیزې ودانۍ، د اوبو او سولریزې بريښنا سیستم هم په نظر کې نیول شوی دی.
د یادې تلې د چارو به بشپړیدو سره به د لوړ تناژ باروړونکو وسایطو وزن کنټرول او د آسفالټي سړک له ویجاړېدو څخه به مخنیوی وشي.
