د دواطلبۍ نېټې غځولو خبرتیا- د اوومې ناحیې اړوند په دارالامان سیمه کې د ټولګټو وزارت له اضافي موازي ملکیت څخه د 0.95 جریبه ځمکې د کرایې ورکولو پروسه
Publish Date
Closing Date
ټولګټو وزارت ټولو په شرايطو برابرو داوطلبانو ته بلنه ورکوي، ترڅو د اوومې ناحیې اړوند په دارالامان سیمه کې د ټولګټو وزارت له اضافي موازي ملکیت څخه د 0.95 جریبه ځمکې په کرایه ورکولو په پروسه کې، چې د MOPW/1404/NC-66/NCB تشخصیه نمبر لرونکی دی؛ ګدون وکړي او د شرطپاڼې د شرايطو سره سم خپل سر تړلي آفرونه د یاد اعلان ترخپرېدلو وروسته اړوند مرجع ته وسپاري.
د شرطپاڼې د لاسته راوړلو پته: ګډونوال کولای شي، شرطپاڼه د ټولګټو وزارت د تدارکاتو د رياست د اجناسو له آمريت څخه، چې په صدارت څلورلارې کې د پخواني کورنيو چارو وزارت په سړک کې د احصایې او معلوماتو ملي ادارې ته څېرمه موقعيت لري؛ په فلش ميموري کې ترلاسه کړي.
د طرحې (پلان) محتوا باید لاندې موارد ولري:
１- د ځمکې د کارونې ډول او هدف په روښانه توګه تشریح کړي؛
２- د پلان شویو تأسیساتو ابتدایي طرح وړاندې کړي؛
３- اقتصادي تحلیل او د لګښتونو ابتدایي اټکل وړاندې کړي؛
４- د پروژې د تطبیق مهالوېش (ټایملاین) مشخص کړي؛
５- د طرحې احتمالي اقتصادي او ټولنیزې ګټې روښانه کړي؛
６- د اجارې موده: داوطلب باید د اجارې د مودې اوږدوالی (په کلونو او میاشتو) مشخص کړي؛
７- د میاشتني کرایې اندازه: داوطلب باید د میاشتني کرایې خپل وړاندیز په څرګند او مستدل ډول وړاندې کړي.
د آفر تضمین: هغه کسان چې د داوطلبۍ او مزایده په پروسه کې ګډون کوي، مکلف دي چې درې میاشتې کرایه چې د داوطلب له لوري په آفر کې درج او وړاندې کېږي تضمین کړي. د داوطلبۍ په ورځ باید د تضمین په توګه له ځان سره نغدې پیسې یا د بانګ تضمین ولري.
د آفر پرانيستلو نېټه : 1404/8/17 - ( 10:00 ) بجې له غرمې مخکې.
د آفر پرانستولو ځای: ټولګټو وزارت.
يادونه: که چيرې د روان کال (1404/8/17) نېټه د حکومت لخوا په ناڅاپي ډول رخصتي اعلان شي؛ د داوطلبۍ ناسته د یادې نېټې به بله کاري ورڅ کې ترسره کېږي.
