د کندوز له سر دوره تر هوایي ډګر پورې د سړک جوړلو کار بشپړ او ګټي اخیستنې ته چمتو دی
دا ښاري سفالټي سړک چې ۵.۸ کیلومتره اوږدوالی او د ګلدانونو او پلي لارې په ګډون ۴۰ متره پلنوالی لري، د کندوز ښار اړوند له سر دوره سیمې څخه پیل او د یاد ولایت تر هوایي ډګر پورې غځیدلی دی، چې اوس مهال يې رغنیزې چارې بشپړي او نږدې راتلونکې کې به ګټې اخیستنې ته وسپارل شي.
یاده پروژه د ۱۴۸ میلیون افغانیو په ارزښت له یوه خصوصي ودانیز شرکت سره تړون شوي، چې مالي لګښت یې د هیواد له ملي بودیجې څخه ورکول کیږي.
د دې پروژې د تطبیق پر مهال د سیمې اوسیدونکو ته ۲۳،۵۷۰ کاري ورځي رامنځته شوي، چې له ګټې اخیستني ورسته به د یاد ولایت د سر دوره سیمې په شمول د سړک اړوند کلیو ترانسپورتي ستونزي هواري شي.
د ټولګټو وزارت رسنیز دفتر
