د کابل ـ پروان لویه لار ترمیم او بیارغول کیږي
د کابل ولایت د ټولګټو ریاست له لوري د کابل ـ پروان لویه لارې دواړه لینونه له صوفیانو پله څخه د پروان ولایت تر دروازې پورې چې د ۴۰ کیلومتره اوږدوالی په اندازه بيا ځلي ترمیم او بیارغول کیږي
د یادې لويې لارې دواړه لینونه د کابل ولایت د ټولګټو ریاست د پرسونل او ماشینرۍ په واسطه ترمیم او بیارغول کیږي، چې اوس مهال یې چارې په چټکۍ سره دوام لري
ټولګټو وزارت ژمن دی؛ ترڅو د هېواد ټولي لویې لارې له پلان سره سم ترمیم او بیا ورغوي، یاد وزارت له هیوادوالو غوښتنه کوي چې د سړکونو په ساتنه او څارنه کې له دغه وزارت سره لاس یو کړي، سړکونه ملي شتمنۍ ده او ساتنه يې د هیواد د هر وګړي دیني او ملي وجیبه ګڼل کیږي
د ټولګټو وزارت رسنېز دفتر
