د ورستیو سیلابونو له کبله ۳۸۱ کیلومتره بند سړکونه بیرته پرانیستل شول
د ورستیو سیلابونو له کبله ۳۸۱ کیلومتره بند سړکونه بیرته پرانیستل شول
۱۴۰۰/غوایي/ ۲۶
د تیرو دوو اونیو اورښتونو له کبله چې سېلابونه یې له ځان سره درلودل د هیواد په بېلابېلو ولایتونو کې شاوخوا ۳۸۱ کیلو متره سړکونه د سېلابونو له کبله بند شوي و چې د ټولګټو وزارت د اړوندو ریاستونو له لوري بېرته په وخت پرانستل شول.
دا لارې، پُلونه او پُلګوټي چې د هیواد په ګڼو ولایتونو؛ لکه کاپیسا، بدخشان، پکتیا، سمنګان، میدان وردګ، پروان، پنجشیر او بغلان ولایتونو کې د تیرو اونیو د سیلابونو له کبله بندې شوي و او خلګ یې لګڼو ستونزو سره مخ کړي وو په عاجله توګه بیرته د ټولګټو وزارت په لارښوونه پرانستل شوي دي.
د دې لارو د بندېدو له کبله په ګڼو ولایتونو کې خلک له ستونزو سره مخ شوي و چې د ټولګټو وزارت د اړوندو ریاستونو له لوري په اختر کې هم پر لارو کار شوی تر څو د هیوادوالو د تګ راتګ ستونزې هوارې شي.
