په بامیانو کې د نعل شیره ــ شهیدانو دروازې پورې د جغلي سړک چارې بشپړې او ګټې اخیستنې ته چمتو دی
دغه جغلي سړک د بامیانو ولایت د مرکز له نعل شیره سیمې څخه پیل او د شهیدانو تر دروازې پورې د څه باندې ۶ کیلومترو په اوږدوالي رغول شوی چې اوس مهال یې چارې بشپړې او ګټې اخیستنې ته چمتو دی.
دا سړک د ټولګټو وزارت او دوو سیمه ییزو شوراګانو تر منځ تړون شوی و، چې چارې یې په دوو برخو کې بشپړې او لګښت یې د هېواد له پراختیايي بودیجې څخه ورکړل شوی.
د یاد سړک په جوړېدو سره د بامیانو ولایت اړوند ګڼې سیمې لکه، دروازها، لدو، نعل شیرها او د شهیدانو کلي د بامیانو ولایت له مرکز سره د جغلي سړک له لارې ونښتل او دغه راز د دې پروژې د کار پر مهال د اړوندو سیمو ګڼو خلکو ته د کار زمینه هم برابره شوې وه.
