د بدخشان په یفتل پایین ولسوالۍ کې د سړک چارې ۵۱ سلنه کاري پرمختګ لري
دا جغلي سړک چې ۸.۲۴ کیلومتره اوږدوالی لري، د بدخشان ولایت د یفتل پایین ولسوالۍ اړوند په سریننګ کلي کې جوړیږي چې اوس مهال یې رغنیزې چارې له ۵۱ سلنه کاري پرمختګ سره دوام لري.
د سړک دا پروژه د ټولګټو وزارت او دوو سیمه ییزو شورا ګانو ترمنځ تړون شوي چې مالي لګښت یې د هیواد له پراختیایي بودیجې څخه ورکول کیږي.
د یادې پروژې د رغنیز کار په بهیر کې به د سیمې اوسېدونکو ته په مستقیم او غیر مسقتیم ډول ۵۴۱۰ کاري ورځې رامنځته شي او د کار له بشپړیدو سره به یې ګڼ کلي د یفتل ولسوالۍ له مرکز سره ونښلول شي.
