د هیواد د لویو لارو او سړکونو د عمومي وضعیت څرنګوالی
د ټولګټو وزارت د ولایتي ریاستونو د راپورنو راپور په اساس د هیواد د لویو لارو او سړکونو وضعیت په لاندې ډول دی:
غور: په دې ولایت کې د واورې اورښت دوام لري او ډیری غځېدلي لارې یې تر دې مهاله د تګ راتګ پرمخ بندې دي.
بامیان: په دې ولایت کې هوا وریېځ ده، د حاجیګک، دشت دیوالي – پنجاب بازار، آبقول کرمان، ورس – پل بندشوی، ورس – قناق کوتل لارې د ترافیکو پرمخ تر دې مهاله بندې دي.
دایکنډي: په دې ولایت کې هوا وریېځ دی؛ د تمزان کوتل لار تر غروج کلي پورې د ترافیکو پرمخ پرانیستې ده؛ خو د دې ولایت نورې لارې تر دې مهاله د تګ راتګ پرمخ بندې دي.
فراه: په دې ولایت کې یواځې د شیخ ابو نصر فراهي بندر لار تر دې مهاله د ترافیکو د تګ راتګ پرمخ بنده ده.
د سالنګ لویه لار: په شمالي سالنګ کې د واورې اورښت نرم دی؛ خو په جنوبي سالنګ کې بیا اورښت تېز او طوفاني دی، اوس مهال په دې لویه لار له ټیلري یا بار وړنکو موټرو پرته واړه موټر د ځنځیر/ چاین په تړلو سره کولی شي له دواړو لورو تګ راتګ وکړي.
همدارنګه: په کابل، میدان وردګ، سرپل، بدخشان، تخار، بلخ، بغلان، کاپیسا، خوست، کونړ، کندهار، نورستان، بادغیس، کندوز، زابل او پنجشیر ولایتونو کې آسمان نیمه وریېځ دی او په ځینو ولایتونو کې د باران او واورې نرم اورښت دوام لري؛ خو ټولي غځیدلي لارې یې د تګ راتګ پرمخ پرانیستې دي.
ټولګټو وزارت، له موټر چلوونکو او مسافرو څخه هیله کوي چې؛ د تګ راتګ پرمهال ترافیکي مقررات په پام کې ونیسي، د موټر ځنځیر ( چاین ) وتړي، تاوده کالي او اضافه غوړي له ځان سره ولري، له تېز تګ راتګ څخه ډډه وکړي او د مؤظفو کسانو لارښوونې په پام کې ونیسي تر څو چا ته ځاني او مالي زیان ونه رسیږي.