په ننګرهار کې د دوو حفظ او مراقبتي پروژو کار د ۷.۳ ميليونه افغانيو په ارزښت پیل شو
![په ننګرهار کې د دوو حفظ او مراقبتي پروژو کار د ۷.۳ ميليونه افغانيو په ارزښت پیل شو](/sites/default/files/2023-09/whatsapp_image_2023-09-16_at_2.23.41_am_0.jpeg)
د ټولګټو وزارت له لوري په ننګرهار ولايت کې د دوو حفظ او مراقبتي پروژو کار د دغه ولايت د ټولګټو رئیس او يو شمېر سیمه ییزو مسؤولینو په شتون کې پیل شو.
په يادو ترمیماتي پروژو کې د ننګرهار ولايت د کوټ ولسوالۍ د حلقوي سړک ترميم او د ياد مسير اړوند د عطاخان په کلي کې د سړک د تخریب د مخنيوي په موخه د يوه استنادي دېوال رغول شامل دي، چې کار یې د ټولګټو وزارت او حمزه شینواري ساختماني او سړک جوړونې شرکت ترمنځ د څه باندې ۷.۳ ميليونه افغانيو په ارزښت قرارداد شوی، چې کار به یې د څلورو میاشتو په موده کې بشپړې شي.
د يادونې وړ ده، چې د يادې پروژې د کار په جريان کې به يو شمېر هیوادوالو ته د کار زمينه برابره شي او د کار له بشپړېدو سره به پر یاد مسير د تيرېدونکو خلکو د تګ راتګ ستونزې د پخوا په پرتله هوارې شي او دغه راز به د سړک د لا تخریب مخنيوی به وشي.