په لغمان ولايت کې د شاوخوا پنځه ميلونه افغانيو په ارزښت د يوې ترميماتې پروژې کار پيل شو
د ټولګټو وزارت له لوري د کابل - جلال آباد لویې لارې اړوند د لغمان ولايت عزيز خان کڅ په سيمه کې د سړک د قیر اچونې او داغګيرۍ کار د لغمان ولايت د ټولګټو د رئیس او يو شمېر سيميزو مسئولينو په شتون کې پيل شو.
دغه پروژه د ټولګټو وزارت او وليد مسلم خصوصي ساختماني شرکت سره د شاوخوا پنځه مليونه افغانيو په ارزښت قرارداد شوې ده چې پکې د ۵۵ کيلو متره سړک داغګيري، ۱۵۵ متره سړک قير اچونه، د يو استنادي دېوال او يو شمېر پلګوټو رغونه شامل دي.
د يادونې وړ ده چې د يادې پروژې په بشپړېدو سره به پر یاده لويه لار د تلونکو خلکو ترانسپورتي ستونزې د پخوا په پرتله هوارې شي او خلک به پرې په اسانۍ سره تګ راتګ وکړي.
