د ټولګټو وزارت د ۱۴۰۴ کال د پروژو د ښه تطبیق او د مالي کال د منظور شوې بوديجې په تړاو ناسته ترسره شوه
د ا.ا.ا د ټولګټو وزارت سرپرست وزیر محترم الحاج ملا محمد عيسی ثاني، د ياد وزارت د ساتنې او څارنې مرستیال محترم الحاج معاون ملاعبدالجبار، تخنيکي مرستیال محترم الحاج مولوي عبدالکریم او اوسپنې پټلۍ مرستیال محترم مولوي محمداسحاق صاحب زاده، د دغه وزارت اړونده رئيسانو، فني او تخنیکي انجنیرانو او مالي چارو کار پوهانو سره د ۱۴۰۴ هـ.ش. کال د پروژو د غوره تطبیق او د ياد مالي کال د منظور شوې بوديجې په تړاو ناسته ترسره کړه.
په دغه ناسته کې، د ټولګټو وزارت د سرپرست وزير، د یاد وزارت د مرستيالانو او اړونده رئيسانو ترمنځ سلا مشورې ترسره شوې او د ټولګټو سرپرست وزیر اړونده مسوولينو ته لارښوونه وکړه، چې د روان کال بودیجه دې اړتياوو ته په کتو پر وخت او په مؤثر ډول مصرف شي.
د ټولګټو وزارت سرپرست وزیر اړوندو برخو ته د روان کال لپاره بودیجه مشخصه کړه او ځانګړې شوې بودیجې ته په کتو یې د پروژو د ښه تطبیق په موخه کمیټې و ټاکلې او کمیټو ته یې لارښوونه وکړه چې اړوند چارې دې ژرترژره پيل کړي؛ ترڅو له یو پلوه بودجه په ښه ډول مصرف شي، له بل پلوه په ټاکلي وخت د پروژه چارې ترسره شي او هيوادوالو ته لا زياتې آسانتياوې رامنځ ته شي.
د يادونې وړ ده، د ټولګټو وزارت د روان کال بودیجه په اساسي ډول د لويو لارو او سړکونو رغولو، د عايداتي او تجارتي بندرونو او سړکونو جوړولو، د اوسپنې پټلۍ پراختيا، د پلونو او پلګوټو رغولو، په لويو لارو کې د جوماتونو جوړولو، د ټرافیکي علايمو نصبولو او د سړکونو د ساتنې او څارنې پروژو ته ځانګړې شوې ده.
