په ۱۴۴۷ هـ.ق کال کې د سوداګریزو توکو د لېږد رالېږد کچه د ۱۴۴۶ هـ.ق کال په پرتله ۷۷.۹ سلنه لوړه شوې ده
په ۱۴۴۷ هـ.ق کال کې د حیرتان، آقینې، تورغونډۍ بندرونو او د خواف–هرات د اوسپنې پټلۍ له لارې ټولټال ۷ میلیونه ۶۰۲ زره ۴۱۹ مټریک ټنه انتقالات ترسره شوي دي.
د حیرتان بندر له لارې ۵۱۶۹۹۸۵ ټنه، د آقینې بندر له لارې ۶۳۵۴۲۷ ټنه، د تورغونډۍ بندر له لارې ۹۱۴۷۹۶ ټنه او د خواف – هرات اوسپنې پټلۍ له لارې ۸۸۲۲۱۱ ټنه توکي لېږدول شوي دي، چې ټولټال ۷ میلیونه ۶۰۲ زره ۴۱۹ مټریک ټنه نفتي، غیر نفتي او بېلابېل نور توکي پکې شامل دي هېواد ته وارد او صادر شوي دي.
د یادو انتقالاتو یوه برخه صادرات او ترانزیټ دی، چې په ۱۴۴۷ هـ.ق کال کې ټولټال ۳۶ زره ۱۱۹ ټنه سوداګریز توکي ترانزیټ او صادر شوي دي، چې لویه برخه یې وچه مېوه، وريجې، کچالو، معدني ډبرې، د هندواڼې تخم، نخود، مس او د انارو جوس دي.
دا په داسې حال کې ده چې په ۱۴۴۶ هـ.ق کال کې د همدې څلورو لارو له لارې ۴ میلیونه ۲۷۲ زره ا و۷۱ مټریک ټنه انتقالات ترسره شوي وو، چې په ۱۴۴۷ هـ.ق کال کې د انتقالاتو کچه د ۱۴۴۶ هـ. ق کال په پرتله ۷۷.۹ سلنه زیاتوالی ښيي.
د ا.ا.ا ټولګټو وزارت تل هڅه کوي چې د منظم پلان جوړونې، دوامدارې څارنې، د ترانسپورتي زیربناوو د پراختیا او د خدماتو د ښه والي له لارې سوداګرو ته اړینې اسانتیاوې چمتو کړي.
