د ختیځ ـــ لويديځ دهلیز
د ګردن دیوار پروژه یا د ختیځ ـــ غرب دهلیز د افغانستان له مهمو ملي او سترو پروژو څخه دی، چې د ځمکني ټرانسپورټ له لارې غور، بامیان، ډایکنډي او میدان وردګ ولایتونه له پلازمېنې کابل سره نښلوي، یاده پروژه څه باندې ۷۹۰ کیلومټره اوږدوالی لري. چې د سوداګرۍ د پراختیا او د سیمه ییز ټرانزیټ (ګرځندوی صنعت)په برخه کې به مهم رول ولوبوي. اودغه راز به د مسافرو لپاره ګڼې آسانتیاوي هم رامینځته کړي. او هم به له تاریخي پلوه په هغو سیمو تېرېږي، کوم چې ځانګړې او تاریخي ښکلا لري.
د دې سربېره به د ټوریزم په برخه کې پانګه اچونه ډېره شي او له اقتصادي او ټولنیزه اړخه به ډېر ګټور تمام شي.
د یاد مهم او اقتصادي دهلیز جوړونه د افغانستان د دولت له پلانونو او د جلالتمآب جمهور رئیس له لېدلورو څخه وه، چې اوس مهال یې په څو برخو کار روان دی.
دا مهال د ۶۰ کیلومټره په اندازې په میدان وردګو، د ۲۱ کیلومټره په اندازې په غور او د ۳۵ کیلومټره په اندازې په هرات ولایت کې یې کار جریان لري او پاتې نور یې د تولګټو وزارت په پلان کې دي.
دغه دهلیز د ټرانزیټ او سوداګرۍ په برخه کې ډېر مهم او اساسي رؤل لري اوغه راز مرکزي ولایتونه له یو بل سره نښلوي او د افغانستان له کړییز سړک سره یې د وصل په نقطې بدلوي او د مرکز او غربي ولایتونو ترمنځ واټن راکموي.
د یاد سړک په مسیر کې ګڼ معدنونه هم شته دي، چې له هغې جملي څخه په بامیانو کې د حاجي ګک، د غور په شهرک ولسوالۍ کې د مالګې او د هرات په چشت شریف ولسوالۍ کې د مر مرو معدنونه یادولی شو.
د وري ۱۵ مه ۱۴۰۰
ټولګټو وزارت¬¬ ¬ـــ مطبوعاتي څانګه
