د افغانستان اسلامي امارت لخوا د سالنګ لویې لارې د ترمیم چارې د څه باندې ٥٣ میلیونه افغانیو په ارزښت پیل شوې

ashraf_admin
شنبه ۱۴۰۰/۷/۳ - ۲۲:۴۳
د افغانستان اسلامي امارت لخوا د سالنګ لویې لارې د ترمیم چارې د څه باندې ٥٣ میلیونه افغانیو په ارزښت پیل شوې

د سالنګ د ٣٠ کیلومتره لویې لارې د ترمیم چارې د ټولګټو وزارت د مالي او ادارې مرستیال، بخت الرحمن شرافت د رسمي سفر په ترڅ کې چې  تخنیکي ټیم او د پروان ولایت د والي مرستیال یې هم ملتیا کوله پیل شوې.

د یادې پروژې په پرانیست غونډه کې، د ټولګټو وزارت مالي او ادارې مرستیال، بخت الرحمن شرافت وویل: د ټولګټو وزارت رهبري د کار په لومړیو ورځو کې له تخنیکي ټیمونو سره له مشورو او هر اړخیزو څیړنو ورسته اسیب مننوکیې برخې تشخیص او د ترمیم پریکړه یې وکړه؛ تر څو دا مهم اقتصادي دهلیز په بیړني ډول ترمیم کړي او په راتلونکې ژمي موسم کې د خلکو د تګ راتګ پر مهال پر یاده لویه لار را ولاړې شوي ترانسپورتي ستونزې هواري کړي.

د ټولګټو وزارت مالي او ادارې مرستیال همدا راز زیاته کړه:  چې د سالنګ لویه لار به په دوو بیلابیلو برخو کې ترمیم شي؛ لومړۍ برخه یې په سویلي سالنګ کې د ١٥ کیلومترو په اوږدوالي سره د ٢٦،٧٠٠،٠٠٠ افغانیو په ارزښت، له میر ودان خصوصي ودانیز شرکت سره لاسلیک شوي او دویمه برخه یې په شمالي سالنګ کې د ١٥ کیلومترو په اوږدوالي له نوي سپین غر لمتید شرکت سره د ٢٦،٧٠٠،٠٠٠ افغانیو په ارزښت لاسلیک شوي او ټاکل شوي تر راتلونکې یوې میاشتي پورې یې کار بشپړ شي.

هغه همدارنګه زیاته کړه چې د سالنګ د تونل دننه ترمیم په تخنیکي پړاو کې دی او ډیر ژر به یې عملي کار پیل شي او د یادې لویې لارې  ١٢ کیلومتره سړک چې له اولنګ سیمې څخه تر جبل السراج پورې غځیږي د سالنګونو د ساتنې او څارنې ریاست لخوا یې د ترمیم چارې پرمخ وړل کیږي.

ورپسې د پروان ولایت د والي مرستیال، قومي مخورو او د تخنیکي ټیم غړیو په نوبت سره خبرې وکړې او د دې پروژې له تطبیق څخه یې خوښي څرګنده کړه او د پروژې په تطبیق کې یې د همکارۍ ژمنه وکړه.

 د افغانستان اسلامي امارت د ټولګټو وزارت رهبري هڅه کوي تر څو د خلکو ترانسپورتي ستونزې هواري کړي، نوي پراختیایې پروژې پلي او د نیم کاره پروژو رغنیز کار بشپړ کړي.

د ټولګټو وزارت رسنیز دفتر

تازه ترین اخبار

پنجشنبه ۱۴۰۰/۹/۱۱ - ۱۰:۳۲
Background image

نشست مشترک میان هیئت خط آهن وزارت فوایدعامه افغانستان و هیئت خط آهن ازبکستان در شهر کابل برگزار گردید

در این نشست ها که دیروز در ارگ و امروز در وزارت فوایدعامه برگزار گردیده است؛ طرفین فیصله نمودند که اجلاس پنج جانبه افغانستان، ازبکستان، پاکستان، روسیه و قزاقستان پیرامون اتصال خط آهن. . .

چهارشنبه ۱۴۰۰/۹/۳ - ۱۶:۱۳
Background image

سروی ترمیماتی شاهراه کابل – کندهار از سوی وزارت فوایدعامه آغاز می شود

به اساس هدایت رهبری وزارت فوایدعامه 32 تن از انجنیران مسلکی بخش مختلف این وزارت در هماهنگی با شرکت های ساختمانی افغان صداقت و باختر گروپ از کابل الی کندهار این شاهراه را سروی ترمیماتی. . .

شنبه ۱۴۰۰/۸/۲۹ - ۱۵:۵۱
Background image

سه تن از روئسای جدید التقرر در وزارت فوایدعامه معرفی گردیدند

به اساس لزوم دید رهبری وزارت فوایدعامه ا.ا.ا، محترمان هریک انجنیرعامر یاسر به حیث سرپرست ریاست کنترول و کیفیت پروژه ها، مفتی هارون رشید به حیث سرپرست ریاست اداری و خدمات و مولوی. . .

BACK TO NEWS