د کابل – کندهار لویې لارې د اساسي ترمیم او بیارغونې په اړه د ټولګټو وزارت اعلامیه!
کابل – کندهار لویه لاره، یوه اساسي او مهمه سوداګریزه لویه لار ده، چې د گڼو جنوبي او جنوب غربي ولایتونو پر نښلون سربېره له گاونډیو هیوادنو سره د سوداګریزو توکو په لیږد رالیږد کې اغیزمن ټرانزیټي او اقتصادي رول لري.
ټولگټو وزارت د کابل - کندهار لویې لارې اقتصادي اهمیت ته په کتو سره پلان لري، چې دا لویه لار په پنځو برخو کې چې ( ارغندۍ چوک – دوراني بازار، د غزني مرکز – پښ کنده، پښ کنده_ قلات، قلات - شهر صفا او شهر صفا – مانجه) پورې تقسیم شوې، د کانونو د استخراج په بدل کې له ساختماني او سړک جوړونې شرکتونو سره قرارداد او په اساسي ډول ترمیم او بیاورغوي.
ټول هغه داخلي ساختماني او د سړک جوړولو شرکتونه او ملي سوداگر، چې په دغه برخه کې د سرمایه گذارۍ لیوالتیا لري او اړوند شرایط پوره کولای شي، خبر ورکول کېږي، چې د پنځلس ورځو په موده کې د بشپړ معلوماتو د ترلاسه کولو لپاره ټولگټو وزارت ته مراجعه وکړي.
