د پکتیا ولایت د مرکز ګردیز – زرمت ولسوالۍ سړک د ترمیم او بیا رغونې چارې پیل شوې
د پکتیا ولایت مرکز ګردیز – زرمت ولسوالۍ تر منځ د غزېدلي سړک د ترمیم او بیا رغونې چارې د اوبو او انرژۍ وزارت د سرپرست وزیر محترم الحاج ملا عبداللطیف منصور، د کورنیو چارو وزارت معین محترم مولوي محمد نبي عمري، د ټولګټو وزارت معین محترم مولوي عبدالکریم فاتح د پکتیا والي محترم حاجي دعوت صاحب، د یاد ولایت د ټولګټو رئيس او یو شمېر نورو مسولینو او قومي مخورو په شتون کې پیل شوې.
په یاده پرانست غونډه کې د مسؤولینو له لوري د ورته ټولګټو پروژو ژمنه وشوه او د سیمې خلکو ته یې د هر ډول همکاریو ډاډ ورکړ.
همدارنګه د یاد سړک د کار په جریان کې د سیمې یو شمېر اوسېدونکو ته د کار زمینه برابره شوې او په بشپړېدو سره به یې د خلکو د تګ راتګ ستونزې د پخوا په پرتله هوارې شي.
