د ټولګټو وزارت د تیر ۱۴۰۳ هـ.ش کال فعالیتونه او لاسته راوړنې

 ټولګټو وزارت یو له مهمو او سکټورې وزارتونو څخه دی، چې د سړکونو، پلونو، پلګوټو، اوسپنیزې کرښې، د سړکونو د ساتنې او څارنې، د لویو لارو په اوږدو کې د جوماتونو رغولو او د ترافیکي علایمو د نصبولو مسؤلیت پرغاړه لري.

د افغانستان اسلامي امارت د ټولګټو وزارت په تیر ۱۴۰۳هـ. ش کال کې د سړکونو، پلونو پلګوټو، اوسپنیزې کرښې، ساتنې او څارنې، واورو پاکولو، جوماتونو، د ترافیکي علائیمو د نصبولو ا ود اجناسو په برخه کې د څه باندې ۱۹۸ پروژو رغنیزې او ترمیماتي چارې پیل کړي چې ۵۴ یې د سړکونو او اوسپنیزې کرښې، ۱۶ د ترافیکي علائیمو د نصبولو، ۱۴ یې د جوماتونو، ۱۴ د واورې پاکولو، ۴۳ د سړکونو د ساتنې او څارنې او ۶۰ پروژې د اجناسو د تدارکاتو په برخه کې دي، چې دا مهال یې د زیات شمېر پروژو کار بشپړ شوی او د ځینو نورو کار په چټکۍ سره جریان لري.

ټولګټو وزارت په تیر ۱۴۰۳ هـ.ش کال کې ټولټال  د ۱۱۷۴ کیلومتره سړکونو د ابتدایي مطالعاتو او امکان سنجۍ سروې، د ۳۸۵ کیلومتره سړک تو پو ګرافي سروې، د ۳۱۲ کیلومتره سړک د ډیزاین چارې بشپړې کړې دي او د ۲۷۲ کیلومتره سړک د ډیزاین کولو چارې جریان لري، چې شاو خوا ۴۵ سلنه کارو نه یې پرمخ تللي دي.

دغه راز ټولګټو وزارت په ټولیزه توګه د ۱۸۷۶ متره پلونو سروې او د ۱۹۴ متره پلونو ډیزاین تیر کال بشپړ کړی او د ۱۰۵۷ متره پلونو د ډیزاین چارې جریان لري، چې ۵۵ سلنه چارې ترسره شوې دي.

یاد وزارت په  تیر ۱۴۰۳ هـ.ش کال کې د کابل – کندهار لویېې لارې په ګډون، د سړکونو  او اوسپنیزې کرښې په برخه کې د ۵۴ پروژو کار پیل کړي چې د ځینو چارې یې بشپړې او د ځینو نورو  کار په چټکۍ سره جریان لري.

د کابل – کندهار لویه لار:

ټولګتو وزارت د کابل کندهار لویې لارې د اساسي بیا رغونې چارې په ۱۳ بیلا بیلو برخو کې د ۴۸۰ کیلو مترو په اوږد والي سره پیل کړی وو، چې دامهال یې د ۴۳۰ کیلو متره سړک د اساسي بیا رغونې  د اسفالټ د لومړۍ او دویمې طبقي او په ځینو برخو کې د دریمې طبقې چارې بشپړې شوې دي او د پاتې برخو د دریمې طبقې د اسفالټ چارې به یې را روان کال پیل او بشپړ شي،  په یادې پروژې کې د ۱۷۰۰ پایو له ډیرو پلګوټو ، د ۴۸ پایو لویو پلونو کار هم پکې شامل دی.

د سالنګونو لویه لار:

د ا.ا.ا د ټولګټو وزارت د سالنګونو لویې لارې د اساسي بیارغونې کار سږ کال د پلان مطابق پیل کړی و، چې دا مهال يې د زيات شمېر ګالریو د بیارغونې او د ګالریو ترمنخ د نښلوونکو فاصلو د کانکريټ اچونې کارونه بشپړ کړي دي او د پاتې برخو کار به یې په راتلونکي کال کې بیا پیل شي.

د دې لویې لارې د ګانکریټي برخو کار په دریو طبقو کې ترسره شوی دی، چې د لومړۍ (فلتر لیر) طبقې ضخامت ۴۲ سانتي متره، د سي ټي بيCTB) ) طبقې ضخامت ۱۵ سانتي متره او د وروستۍ (سیخ لرونکي) کانکریټ طبقې ضخامت یې ۲۸.۵ سانتي متره دی، چې ټولټال ضخامت یې تر ۸۵.۵ سانتي مترو پورې رسیږي.

دغه راز، د یادې لویې لارې د دوشي – خنجان مسیر د شاوخوا ۵ کیلومتره سړک د اسفالټ اچونې کار هم بشپړ کړی دی.

نوې قرارداد شوې پروژې

قوشتیپه - درزاب:

د قوشتیپې – درزآب سرک د اساسي رغونې چارې د شاوخوا۱.۵ میلیارده افغانیو په ارزښت پیل شوې یاد سړک د ۵۱ کيلومتره په اوږدوالي سره د جوزجان ولایت له قوشتیپې ولسوالۍ څخه پیل او ددغه ولايت تر درزآب ولسوالۍ پورې رسیږي، چې د دوه پایو پلونو، د ۱۳۷ پایو پُلګوټو، استنادي دیوالونو او د سړک د څنډو د لښتیو (ویالو) د رغونې کار هم پکې شامل دی چی لومړی لاټ یې د ۱۹.۸ کیلومتره په اوږدوالي سره د قوشتیپې ولسوالۍ له نوآباد سيمې څخه پيل بيا تر تراغلي سیمې پورې، دویم لاټ د ۱۷.۴۶ کیلومتره په اوږدوالي سره له تراغلي څخه بيا تر شیربیک سيمې پورې او دریم لاټ یې د ۱۳.۵ کیلومتره په اوږدوالي سره تر درزآب ولسوالۍ پورې رسیږي.

کابل – غزني دویم لین سړک:

د ټولګټو وزارت له لورې د کابل - غزني لویې لارې د دويم لين سړک د اساسي رغونې چارې په دوو برخو کې پيل شو، چې لومړۍ برخه يې د ۲۴.۵ کيلومتره په اوږدوالي د کابل له کمپنۍ سيمې څخه د ميدان وردکو ولايت تر مرکز ميدان ښار پورې رسيږي او دويمه برخه يې د ۲۴.۳ کيلومتره په اوږدوالي د ميدان وردکو ولايت له مرکز ميدان ښار څخه پيل ددغه ولايت د سيدآباد ولسوالۍ تر ټوپ دښتې پورې رسيږي.همدارنګه  ياد سړک ۹ متره پلنوالي (عرض) لري، چې په رغنيزو چارو کې يې ټولټال ۶ پايې لوی پلونه او ۱۵۵ پُلګوټي شامل دي او په تخميني ډول به د (۳) ميليارده افغانيو په لګښت د دريو کلونو په موده کې بشپړ او ګټې اخيستې ته وسپارل شي او د یاد سړک لګښت د ټول پلازا محصول څخه ورکول کیږي.

کابل – جلال آباد دویم لین سړک:

د کابل – جلال آباد لویې لارې د دویم لین سړک د رغونې کار د ا.ا.ا د ټولګټو وزارت لخوا پیل شو دغه سړک چې شاوخوا ۱۴۷ کیلومتره اوږدوالی لري، او له ډلې یې د ۶۵ کیلومتره سړک ۳۳ کیلومتره د ننګرهار ولایت له لوري او ۳۲ کیلومتره نوریې  د کابل ولایت له لورې له وړاندې په کانکریټي ډول رغول شوی و او  پاتې نور یې په دریو بېلابېلو سکشنونو تقسیم شوی چې لومړی سکشن يې ۲۲ کيلومتره اوږدوالی لري  او دامهال یې کار د ننګرهار ولایت له لوري د ټولپلازا د محصول په بدل کې  جریان لري.

کونړ- نورستان سړک:

د کونړ- نورستان عمومي سړک د هېواد یو له مهمو هېوادانو څخه دی، چې لومړۍ برخه یې ۲۲ کیلو متره اوږد والی او ۹ متره پلنوالی لري او دا مهال یې د بیا رغونې چارې په دوو لاټونو کې د ټولګټو وزارت لخوا د خصوصي سکټور سره د څه باندې ۶۰۰ میلونه افغانیو په ارزښت قرارداد شوي چې د یو کال په موده که به یې کار بشپړ او ګټې اخیستې ته و سپارل شي.

دشت ارچي - کندز سړک:

د دشت ارچي – کندز سړک چې شاوخوا ۱۹ کيلومتره اوږدوالی لري، د رغونې چارې يې د ۴۹۸.۶۵۴.۹۱۲

افغانيو په ارزښت د دورانی سړک جوړونې او لوژیستکي شرکت سره قرارداد شوې دي، چې د ۱۸ مياشتو په موده کې به يې کار بشپړ شي.

قیصار – لامان:

د قیصار- لامان حلقوي سړک، چې ۲۳۳ کیلومتره اوږدوالی لري او د بادغیس ولایت له فاریاب ولایت سره نښلوي؛ یاد سړک په پنځو برخو وېشل شوی دی، دا مهال یې د پنځمې برخې، چې ۶۱ کیلومتره اوږدوالی لري، د ۲۵ کیلومتره سړک د رغونې چارې د څه باندې ۱.۴ میلیارده افغانیو په ارزښت د پروان ولایت د کرومایتو کان په بدل کې د نورزي کانفیدنس سړک جوړونې او ودانیز شرکت سره قرارداد کیږي او د قرارداد له مخې به یې عملي کار پیل شي.

د  هرات – چشت شریف سړک:

  د  هرات – چشت شریف سړک دغه سړک د هېواد یو له مهمو سړکونو څخه دی چې د ختیز-لویدیز د دهلیز په نوم هم یادیږي، یاد سړک ۳۰ کیلومتره اوږدوالی لري، د ترمیم او بیا رغونې چارې یې د څه باندې ۱.۵ میلیارده افغانیو په ارزښت د معدن په بدل کې جریان لري.

د کندهار –سپین بولدک دویم لین سړک:

د کندهار - سپن بولدک دوهم لین، دوهم لاټ د ۳۹.۶ کیلومتره سړک د رغونې چارې جریان لري، چې په اوږدو کې یې د ۲ پایې لویو پلونو، ۲ پایې پلګوټو او ۵۵۰ متره مکعبه سنګاري دېوالنو رغول هم شامل دي.

د میدان وردګ – لوګر نښلوونکی سړک:

ټولګټو وزارت د شاوخوا (۷۱۳) ميليونو افغانيو په ارزښت له دوو شرکتونو سره د ميدان وردګ-لوګر د (۳۱.۶) کيلومتره نښلونکي سړک د رغولو تړونونه  د شعبان په ۱۰ مه نیټه لاسليک کړل.

د ميدان وردګ-لوګر سړک دوې برخې او ټولټال (۳۱.۶) کيلومتره اوږدوالی لري او (۱۲۰) پُلګوټي پکې شامل دي؛ ياد سړک د ميدان وردګ ولايت د (تنګي درې، قلعه امير څخه پيل؛ د آلوزي، دوغ آباد، شولک، او بابوس) سيمو څخه په تېرېدو د لوګر ولايت له مرکز پُل علم سره نښلول کيږي، چې رغنيزې چارې به يې د (۱۶) مياشتو په موده کې بشپړې شي.

لومړی برخه: ټولټال (۱۷.۴) کيلومتره اوږدوالی لري، چې د (۴۷۳۸۸۴۹۲۷) افغانيو په ارزښت يې رغنيزې چارې له ايچکو ساختماني شرکت سره قرارداد شوي دي.

دويمه برخه: ټولټال (۱۴.۲) کيلومتره اوږدوالی لري، چې د (۲۳۹۴۴۸۳۷۸) افغانيو په ارزښت يې رغنيزې چارې له تابش اميد ساختماني او سړک جوړونې شرکت سره قرارداد شوي دي.

دغه راز ټولګټو وزارت د هېواد په بیلا بیلو برخو کې یوشمیرلوی پلونه رغولي دي چې له ډلې یې د کابل – کند هار لویې لارې ۴۸ پایې پلونو په شمول یو شمېر نور پلونه په لاندې ډول دي:

پلونه:

ټولګټو وزارت په ټول هېواد کې د یو شمېر لویو پلونو چارې بشپړې کړي دي، چې ۴۸ يې د کابل – کند هار لویې لارې اړوند دي او د پاتې نورو جزيات په لاندې ډول دي:

۱- د ګیزاب ولسوالۍ په مسیر اوسپنیز ګانګریټي پول چې ۱۰۱،۹ متره اوږدوالی لري، د ۲۹،۰۰۰،۰۰۰ افغانیو په ارزښت ورغول شو.

۲- د لعلپورد ولسوالۍ په مسیرد لعلپور پل ( له اوبو څخه د ساتنې محافظوي دیوال) چې ۲۷۰ متره اوږدوالی لري، د ۴۵،۵۸۲،۸۶۸ افغانیو په ارزښت تر کار لاندې دی.

۳- د ننګرهار ولایت د جلال آباد- تورخم په لویه لاره د سپین خور پل (د اوبو د قطع کولو دیوال جوړول) چې ۴۵ متره اوږدوالی لري او د ۲،۵۹۱،۰۰۵ افغانیو په لګښت جوړیږي.

۴- د سمنګان ولایت د خرم او سرباغ ولسوالیو په سړک د ملا علي کانکریټي اوسپنیز پل چې ۴۴.۶ متره اوږدوالی لري د ۱۷،۸۲۵،۱۷۵،۸۰ افغانیو په لګښت جوړیږي.

۵- د کنړ ولایت په نورګل ولسوالۍ کې د زیري بابا پخوانی پول چې ۱۲۹.۷ متره اوږدوالی لري، د ۳۸،۳۶۴،۳۴۳ افغانیو په لګښت تر کار لاندې دی.

۶- په کنړ ولایت کې پخوانی پشد پل چې ۲۲۲ متره اوږدوالی لري د جوړولو په حال کې دی.

د یاد وپلونو څخه د ځینو کارونه جریان لري او د یو شمیر پلونو  رغنیزې چارې بشپړې شوې دي.

مسجدونه:

د عالیقدر امیر المؤمنین حفظه الله د حکم په اساس، ټولګټو وزارت د کابل - هرات لویې لارې اړوند د ۱۴ محرابه مسجدونو ودانیزې چارې چې له ډلې يې ۶ محرابه مسجدونه د کابل – کندهار پر مسیر او ۸ محرابه مسجدونه د کندهار – هرات پر مسیر له بېلابېلو ودانیزو شرکتونو سره د ۴۶۷۷۲۶۲۱۱ افغانيو په ارزښت قرارداد کړې دي.

دامهال د کندهار ولایت د دامان ولسوالۍ مسجد شاوخوا ۹۵ سلنه کارې پرمخ تګ لري او د پاتې نورو مسجدونو کار په بېلا بېل فزیکي پرمخ تګ سره جریان لري او د هر مسجد کار به د یو کال په موده کې بشپړ شي.

د ساتنې او څارنې پروژې:

ټولګټو وزارت په تېر کال کې د شاوخوا ۴۳ ساتنې او  څارنې پروژوې له خصوصي سکتور سره قرارداد کړې وې، چې د یو شمېر  پروژو کاریې بشړې شوي د ځینو نورو کار جریان لري.

واوره پاکول:

ټولګټو وزارت د روان ۱۴۰۳هـ.ش کال د ژمي په موسم کې په ۳۰۲ زیان منونکو سیموکې د سالنګونو او ماهیپر په ګډون د هیواد په ۲۸ ولایتونو کې د څه باندې ۷۵۷۲ کیلومتره سړکونو څخه د واورې پاکولو پلان درلود.

د ۷۵۷۲ سړک له جملې څخه څه باندې ۴۵۴۲ کیلومتره سړکونه د ټولګټو وزارت د ولایتي ریاستونو له خوا پاک کاري شوي دي او په ( غزني، بامیان، غور، دایکندي، بدخشان، پکتیا، نورستان، پنجشېر، پکتیکا، تخار، سرپل، لوګر، میدان وردګ او فراه) ولایتونو کې ۲۷۲۰ کیلومتره سړکونه چې د ډېرې واورې او زیان منونکو سیمو درلودونکي دي د ټولګټو وزارت د ولایتي ریاستونو د ماشینرۍ سربېره د خصوصي سکټور سره د یو منظم طرزالعمل له لارې د ۵۲۰۳۰۵۹۳ افغانیو په ارزښت قرارداد شوي دي.

اوسپنیزه کرښه:

د کندهار – هرات اوسپنیزې کرښې تفصیلي ډیزاین:

د ا.ا.ا د ټولګټو وزارت له لوري د هرات-کندهار د (۷۳۷.۵) کيلومتره اوسپنيزې کرښې د تفصيلي ډيزاين اړوند (۵) تړونونه د شاوخوا (۲۶۴) ميليونه افغانيو په ارزښت له پنځو شرکتونه سره لاسليک شوي دي، چې د (۸) مياشتو په موده کې به يې چارې بشپړې شي.

د ټولګټو وزارت د اوسپنيزې کرښې معينيت او ازبکستان د ريل پټلۍ ادارې ترمنخ د حيرتان-مزارشريف مسير د ترميماتي چارو تړون د شپږو مياشتو لپاره وغځېد. د ياد مسير قرارداد چې ټاکلې نېټه يې پای ته رسېدلې وه، خو د ځينو سټيشنونو ترميماتي چارې لا پاتې وې او په همدې موخه بياځلي وغځول شو؛ د يادې پروژې ترميماتي چارې تردې مهاله (۸۰) سلنه فزيکي پرمختګ لري.

د حيرتان-مزارشريف د اوسپنيزې کرښې اړوند نايب آباد سټيشن (څلورم-پورټ) د (۵۰) کیلومتره په اوږدوالي په بشپړ ډول فعال او ګټې اخيستنې ته وسپارل شو، چې په فعالېدو سره به ځايي تجارانو ته لازمې آسانتياوې رامنځ ته شي، د ريلي انتقالاتو فاصله به رالنډه شي او د نفتي او غير نفتي توکو د تخليې ځايونه به مشخص شي، چې مخکې دواړه يوازې په حيرتان پورټ کې تخليه کېدل.

د خواف-هرات اوسپنيزې کرښې د څلورمې قطعې د لومړۍ برخې رغنيزې چارې د (۸۰) سلنه فزيکي پرمختګ په لرلو سره په چټکۍ سره جريان لري. ياده اوسپنيزه کرښه ټولټال (۴۳) کيلومتره اوږدوالی لري، چې د هرات ولايت په غوريان او زنده جان ولسواليو کې تيريږي.

د ټولګټو وزارت د اوسپنيزې کرښې مرستيال محترم الحاج مولوي محمد اسحاق صاحبزاده له لورې د افغانستان-ازبيکستان-قرغيزستان-چين په غونډه کې د افغانستان او چين ترمنځ د څلور اړخيزه ريلي دهليز تړون د يو کال لپاره وغځول شو.

د روان ۱۴۰۳ هـ.ش. کال له حمل مياشتې څخه تر دلو مياشتې پورې، چې ټولټال (۱۱) مياشتې کيږي؛ د اوسپنې پټلۍ د څلورو مسيرونو (حيرتان، آقينې، تورغونډۍ او خواف-هرات له لارې تر (۴) ميليون مټريک ټنه زيات انتقالات ترسره شوي دي.

د ټولګټو وزارت د اوسپنې پټلۍ د (۷) ميليونو امريکايي ډالرو په ارزښت يو تفاهم ليک د هرات-تورغونډۍ سټېشن د پراختیا او د آقينې–اندخوی د پاتې ۱۰ کیلومتره اوسپنیزې کرښې بشپړول او د اندخوی–شبرغان د ۵۵ کیلومتره اوسپنیزې کرښې د سروې او تفصيلي ډیزاین اړوند دوه تفاهم ليکونه د ترکمنستان هېواد د اوسپنې پټلۍ ادارې سره لاسلیک شوي دي.