د غزني له مرکزه – مُقر ولسوالۍ بازار پورې سړک د ترمیم او بیارغونې کار پیل شو
د کابل – کندهار لویې لارې پر مسیر د غزني له مرکزه د مُقر ولسوالۍ تر بازار پورې د سړک د اساسی ترمیم او بیارغونې کار د شاوخو ٥٦ پایو پُلګوټو په شمول د غزني ولایت د یو د ځینو سیمه اییزو مسؤولینو، د پروژې د مسؤول قاري عبدالرحیم ودود، د غزنی د ټولګټو رئیس او یو شمېر قومي مخورو په حضور کې پیل شو.
د یادې ترمیماتي پروژې کار د ټولګټو وزارت د تخنیکي او فنی پرسونل او ما شینرۍ پرمټ پرمخ وړل کیږي.
د دې پروژې د کار پرمهال به، د سیمې یو شمېر اوسېدونکو ته په مستقیم او غیر مستقیم ډول د کار زمینه برابره شي او د کار له بشپړېدو سره به د خلکو د تګ راتګ ستونزې هوارې شي.
ټولګټو وزارت تل هڅه کوي؛ چې د شته سړکونو د خوندیتوب او هیوادوالو ته د غوره ترانسپورتي اسانتیاوو د رامنځته کولو په موخه؛ له پلان سره سم د ساتنې او څارنې پروژې په ټول هیواد کې تطبیق کړي.
د ټولګټو وزارت رسنیز دفتر
