د غزني – ښرنې د ۴۱ کیلومتره سړک د اساسي ترمیم چارې د ۱۴۵ میلیونه افغانیو په ارزښت پیل شوې

kalim_admin
دوشنبه ۱۴۰۴/۷/۱۴ - ۱۱:۲۹
د غزني – ښرنې د ۴۱ کیلومتره سړک د اساسي ترمیم چارې د ۱۴۵ میلیونه افغانیو په ارزښت پیل شوې

د ا.ا.ا د ټولګټو وزارت لخوا د خلکو د هوساینې او ستونزو د حل په موخه د غزني – ښرنې د ۴۱ کیلومتره سړک د اساسي ترمیم چارې د ۱۴۵ میلیونه افغانیو په ارزښت پیل شوې.

د یادې پروژې د پرانیستې په مراسمو کې د غزني ولایت د ټولګټو رئیس محترم مولوي عبد القدیر بلال، یو شمیر سیمه ییزو مسئولانو او قومي مخورو ګډون کړی وو.

دغه سړک چې د ترانسپورت څلور لارې څخه پیل تر سردې بند پورې رسیږي، د سړک د فرش د اساسي ترمیم ترڅنګ د ۳۶ پایو پلګوټو او د سړک د څنډو (شولډرونو) د اساسي ترمیم کار هم شامل دی، چې د یو کال په موده کې به یې چارې بشپړې او ګټې اخیستنې ته وسپارل شي.

یاد سړک د دې ترڅنګ چې د غزني او پکتیکا ولایتونه یو له بل سره نښلوي، د اندړو، ده ‌یک او ګیرو ولسوالیو د اوسېدونکو د تګ راتګ لاره هم ده، چې په بشپړېدو سره به یې پر یاده لویه لار د تلونکو مسافرو او د یادو ولسوالیو د اوسېدونکو د تګ راتګ ستونزې د پخوا په پرتله هوارې شي، د کرنیزو او سوداګریزو توکو د انتقال په برخه کې به ګڼې اسانتیاوې رامنځته شي.

دا په داسې حال کې ده، چې ټولګتو وزارت د هېواد په بېلابېلو سیمو کې د سړکونو، اوسپنې پټلۍ او پلونو د رغونې، اساسي ترمیم، بیارغونې او د سړکونو او اوسپنې پټلۍ د ساتنې او څارنې په برخه کې د ګڼ شمیر پروژو چارې پیل کړې دي.

...

۱ کال 2 میاشتې ago

...

تازه خبرونه

چهارشنبه ۱۴۰۵/۸/۶ - ۱۵:۲۷
Background image

د کندهار – هلمند لویې لارې د دویم لین سړک د آسفالټ چارې پیل شوې

د کندهار – هرات لویې لارې د دویم لین سړک اړوند، د کندهار ولایت له باغ پل څخه د هلمند ولایت تر ګرشک دوراهي سیمې پورې د دویم او درېیم لاټ ۵۲ کیلومتره سړک د رغونې چارې د ا.ا.ا د ټولګټو. . .

چهارشنبه ۱۴۰۵/۸/۶ - ۱۳:۵۴
Background image

په تله میاشت کې د اوسپنیزې لارې څخه ۸۲۸۹۶۸ مټریک ټنه انتقالات شوي دي

د ۱۴۰۵ هـ.ش. کال د تلې/ میزان مياشتې له پيله تر پايه د افغانستان د اوسپنیزې لارې څخه ۸۲۸۹۶۸ مټریک ټنه انتقالات شوي دي.

د حیرتان بندر له لارې ۵۳۶۴۳۰ ټنه، د آقینې بندر له لارې ۶۱۹۵۱ ټنه،. . .

سه‌شنبه ۱۴۰۵/۸/۵ - ۱۴:۵۱
Background image

د بلخ ولایت د چهار بولک ولسوالۍ سړک د ترمیم او داغګیرۍ چارې د ۷ میلیونه افغانیو په ارزښت پيل شوې

د ا.ا.ا د ټولګټو وزارت له لوري د بلخ ولایت د چهار بولک ولسوالۍ ۶ کیلومتره سړک د ترمیم او داغګیرۍ چارې د ۷ میلیونه افغانیو په ارزښت له خصوصي سکتور سره قرارداد شوي دي چې دامهال د بلخ. . .

BACK TO NEWS