د ټولګټو وزارت تخنیکي مرستیال د سالنګونو لویې لارې له کاري بهیر څخه لیدنه وکړه
د ټولګټو وزارت تخنکي مرستیال محترم الحاج مولوي عبدالکریم فاتح د سالنګونو لویې لارې اړوند د جنوبي سالنګ، شمالي سالنګ، دوشي – خنجان برخو او د دوشي – بامیان بدیل سړک له کاري بهیر او د شمالي سالنګ او جنوبي سالنګ له ټولپلازاوو څخه په داسي حال کې لیدنه وکړه چې د سالنګونو لویې لارې د ساتنې او څارنې رئیس محترم حاجي فضل ربي یې هم ملتیا کوله.
نوموړي د یاد سفر په لړ کې د جنوبي سالنګ، شمالي سالنګ، دوشي – خنجان برخو څخه د لیدنې تر څنګ د یادو برخو د قراردادي شرکتونو مسئولینو او تطبیق کوونکو ټیمونو ته د کار دغوره کیفیت، چټکتیا، د سږکال د پلان شویو برخو د کار د بشپړېدو او هیوادوالو ته د اسانتیاوو برابرولو په موخه لازمې لارښوونې وکړې.
دا په داسې حال کې ده، چې د یادې لویې لارې په ګډون د یو شمېر نورو لویو لارو کار هم جریان لري چې د ټولګټو وزارت رهبرۍ یې وخت پروخت له کاري بهیر څخه لیدنه کړې ده او تطبیق کوونکو ټیمونو ته یې د کار د چټکتیا او غوره کیفیت په هکله لازمې لارښوونې کړې دي.
