داوطلبۍ ته د بلنې خبرتیا - د یکاولنګ ولسوالۍ د بازار له پای څخه د پنجاب ولسوالۍ تر مرکز پورې د بامیان - دایکندي لویې لارې د ترمیم او جغل اچونې د سړک د فرش ترمیم، پلګوټو او استنادي دېوالونو د جوړولو پروژه

ټولګټو وزارت ټولو په شرایطو برابرو داوطلبانو ته بلنه ورکوي؛ ترڅو د یکاولنګ ولسوالۍ د بازار له پای څخه د پنجاب ولسوالۍ تر مرکز پورې د بامیان - دایکندي لویې لارې د ترمیم او جغل اچونې د سړک د فرش ترمیم، پلګوټو او استنادي دېوالونو د جوړولو پروژې د داوطلبۍ په پروسه کې ګډون وکړي.

علاقمند داوطلبان کولای شي د شرطپاڼې او تخنیکي اسنادو سافټ کاپي د ملي تدارکاتو ریاست له  (https://tenders.ageops.af )  وېبپاڼې او د افغانستان د پرانیستو برېښنايي تدارکاتو له سیسټم څخه ترلاسه کړي.

داوطلبان دې خپل آفرونه د شرطپاڼې له شرایطو او د تدارکاتو له اصولو سره سم، په مهر او تړل شوې بڼه، د اعلان د خپرېدو له نېټې څخه د ۱۴۰۵/۵/۲۵ هـ.ش نېټې د سهار تر ۱۰:۰۰ بجو پورې د ټولګټو وزارت د تدارکاتو ریاست ته، چې ملالۍ واټ، د پخواني کورنیو چارو وزارت پر سړک، د احصایې او معلوماتو ملي ادارې ترڅنګ موقعیت لري وسپاري.

ناوخته رسېدلي او د انټرنېټ له لارې استول شوي آفرونه د منلو وړ نه دي.

د آفرونو د پرانیستې غونډه به د۱۴۰۵/۵/۲۵ هـ.ش نېټې د سهار په ۱۰:۰۰ بجو د ټولګټو وزارت مقر په جومات کې ترسره شي.