د تالقانو ښار دننه سړکونه رغنیز کار بشپړ او ګټې اخیستنې ته چمتو دی
د سړکونو دغه پروژه د ټولګټو وزارت لخوا ښاریانو ته د لازمو آسانتیاوو برابرولو په موخه د تخار ولایت په مرکز تالقانو ښار کې تطبیق شوه
یاده پروژه ۵۱.۱۷۱ کیلومټره اوږدوالی او له ۵ تر ۱۳ مترو پورې سور لري، چې د څه باندې ۵۵۴ میلیونه افغانیو په ارزښت یې د جوړیدو چارې د تالقانو ښار په بېلابېلو برخو کې په اساسي ډول بشپړې شوي دي
داچې تخار د هېواد یو زرغون او له اوبو څخه برخمن ولایت دی، د همدې پروژې په تطبیق سره یې ښاري ښکلا لا زیاته شوي دی او د ښار د بېلابېلو سیمو د اوسېدونکو ټرانسپورټي ستونزې ورسره هوارې شوي دي اودغه راز ګڼ شمېر ښاریان هم ترې دا مهال ګټه پورته کوي
