پروان: د بګرام له دوه لارې تر جبل السراج د سړک رغنیزې چارې ۸۰ سلنه پرمختګ لري
دا سړک د کابل ـ سالنګ لویې لارې د دویم لین یوه مهمه برخه ده چې د پروان ولایت له بګرام دوه لارې څخه پیل بیا تر جبل السراج ولسوالۍ پورې غځول کیږي. تر کار لاندې دا سړک ۲۵.۶ کیلومتره اوږدوالی، ۱۰.۲ عمومي پلنوالی، ۳ پایې پُلونه او ۱۰۶ پُلګوټي لري چې دا مهال یې رغنیزې چارې له څه باندې ۸۰ سلنه کاري پرمختګ سره دوام لري. د سړک دا پروژه د ټولګټو وزارت له لوري له یوه خصوصي ودانیز شرکت سره تړون شوي چې مالي لګښت یې د هیواد له ملي بودیجې څخه ورکول کیږي. د دې لارې جوړول د ټولګټو وزارت په لومړیتوبونو کې دي چې په راتلونکې کې به د سالنګ پر لار هم کار پيل او د هېواد شمال به له کابل سره د یوه پاخه سړک له لارې ونښلول شي.
