سمنګان: د ایبک – پلخمري لویې لارې په اوږدو کې د دریو پُلونو د ترمیم کار بشپړ شو
د ټولګټو وزارت لخوا د ایبک - پلخمري لویې لارې په اوږدو کې د دریو پایو پلونو د ترمیم کار بشپړ شو.
د پلونو د ترمیم دا پروژه د ټولګټو وزارت له لوري له یوه خصوصي ودانیز شرکت سره د څه باندې ۶.۴ میلیونه افغانیو په ارزښت قرارداد شوې وه، چې د ا.ا.ا، له لوري تمویل شوې دی.
د دغو پروژو د کار په جریان کې د سیمې اوسیدونکو ته په مستقیم او غیر مستقیم ډول کاري بوختیاوې هم رامنځته شوي وې، چې اوس به یې د کار له بشپړیدلو سره د خلکو ترانسپورتي ستونزې د پخوا په پرتله کمي شي.
ټولګټو وزارت هڅه کوي، چې د دغه وزارت مالي امکاناتو ته په پام سره د خلکو ترانسپورتي ستونزې هوارې کړي.
