زابل: په سيوري ولسوالۍ کې يو کلی د سيلاب اوبو له خطر څخه خوندي شو
د زابل ولایت د ټولګټو ریاست له شته ماشینرۍ څخه په ګټې اخیستنې او د دغه ریاست د تخنیکي پرسونل په هڅو د یاد ولایت په سیوري ولسوالۍ کې د ملیز کلی چې، د سیلاب راوتلو پرمهال له احتمالي خطر سره مخ وه، خوندي او له کلي څخه د اوبو لوری چپ شو، چې له دې سره به د کلي اوسېدونکي د سيلابونو له احتمالي خطر څخه خوندي شي.
په ورته وخت کې، د زابل ولایت د ټولګټو رياست لخوا د سیوري ولسوالۍ په بورګي کلي کې د سړک غاړو هغه برخې، چې د ورستیو اورښتونو پرمهال ویجاړې شوي وې ترمیم شوې دي او په دغه سیمه کې یې هم له میشتو کورونو څخه د اوبو مسیر بدل کړی دی.
د ټولګټو وزارت رسنیز دفتر
