د ټولګټو وزارت د زيانمنونکو نقطو نوی رئيس معرفي شو
د ټولګټو وزارت د وړانديز او د عاليقدر امير المؤمنين شيخ مولوي هبة الله اخندزاده حفظه الله د (۱۴۴۵/۱۲/۱۵) نېټې د (۶۱۱۱) ګڼې حکم په اساس، محترم مولوي نظام الدين نظامي د ټولګټو وزارت اړوند د زيانمنونکو نقطو د رئيس په توګه وټاکل شو، چې نن د وزارت د يو شمېر رئيسانو په شتون کې د دغه رياست کارکوونکو ته ور وپېژندل شو او رسماً يې خپله دنده پيل کړه.
په دغه مراسمو کې لومړی د ټولګټو وزارت د بشري سرچينو د رئيس محترم انجنير فضلالباري بلوڅ له لوري د عاليقدر اميرالمؤمنين حفظه الله حکم ولوستل شو.
وروسته ګډونوالو او اړونده مسوولينو نوموړي ته په چارو کې د لوي څښتن تعالی په دربار کې د توفيق او لا برياوو غوښتنه وکړه.
د يادونې وړ ده، چې محترم مولوي نظام الدين نظامي تر دې وړاندې د ټولګټو وزارت د يوشمېر رياستونو د رئيس په حيث دندې ترسره کړي دي.
