په تېره یوه اوونۍکې د اوسپنې پټلۍ له لارې (۱۰۳۲۶۳) مټریک ټنه انتقالات شوي دي
په تېره یوه اوونۍکې (د ۱۴۰۴ هـ.ش. کال د اسد مياشتي له ۱۰مې نيټې څخه تر اسد ۱۶ مې) نېټې پورې د ټولګټو وزارت د اوسپنې پټلۍ له لارې له لارې (۱۰۳۲۶۳) مټریک ټنه انتقالات شوي دي.
د حیرتان بندر له لارې (۶۸۲۲۷ ) ټنه، د آقینې بندر له لارې (۶۲۴۹) ټنه، د تورغونډۍ بندر له لارې (۱۶۵۳۷) ټنه او د خواف –هرات (۱۲۲۵۰ ) له لارې ټنه انتقالات شوي، چې ټولټال (۱۰۳۲۶۳) ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه صادرات دي، په تېره یوه اوونۍکې (۵۹۷) ټنه صادرات شوي، چې لويه برخه یې وچه میوه، د آنار جوس دي
هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.
د ا.ا.ا ټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته لا زياتې اسانتياوې برابرې کړي.
