د کابل په بګرامي ولسوالۍ کې د څه باندې ۳ کیلومتره سړک د جوړولو کار پیل شو
ټولګټو وزارت د کابل په بګرامي ولسوالۍ کې د ۳.۳۶۰ کیلومتره کانکرېټي سړک د جوړېدو چارې پيل کړې چې د علاوالدین له سړک څخه پیل او د افغان احسان مېنې تر دارلعلوم پورې به وغځیږي.
د دې پروژې رغنیز کار د ټولګټو وزارت له لوري له دریو سیمهییزو شورای ګانو سره تړون شوی چې مالي لګښت یې د هیواد له پراختیایي بودیجې څخه ورکول کیږي.
د یاد سړک د رغنیز کار په بهیر کې به د سیمې اوسېدونکو ته په مستقیم او غیر مستقیم ډول ګڼې کاري ورځې رامنځته او شاوخوا پنځه کلي به سره وصل کړي.
