د سالنګونو لویې لارې د نن ورځې وضعیت
نن ورځ په سالنګونو کې هوا نیمه وریېځ ده او یاده لویه لار د ترافیکو پرمخ پرانیستې ده. دا مهال مسافر وړونکي موټر له دواړو لورو او بار وړونکي موټر له جنوب څخه شمال لوري ته تګ کولای شي، چې د ورځې په اوږدو کې به له شمال څخه جنوب ته هم د تګ اجازه ورکړل شي. د یادونې وړ ده، چې د ټولګټو وزارت د سالنګونو د ساتنې او څارنې ریاست پرسونل د معمول په څیر د یادې لویې لارې د ځینو ویجاړو برخو په ترمیم او په ۱۵مې، ۱۶مې او ۱۹مې ګالریو کې له سړک او شولډرونو څخه د خټو او رسوبي موادو په پاکولو بوخت دي.
