په سنبله میاشت کې د اوسپنې پټلۍ له لارې ۴۲۱۷۰۰ مټریک ټنه انتقالات شوي دي
د ۱۴۰۴ هـ.ش. کال د سنبلې مياشتې له پيله تر پايه د ټولګټو وزارت د اوسپنې پټلۍ له لارې ۴۲۱۷۰۰ مټریک ټنه انتقالات شوي دي.
د حیرتان بندر له لارې ۲۹۴۴۸۱ ټنه، د آقینې بندر له لارې ۱۹۸۹۷ ټنه، د تورغونډۍ بندر له لارې ۵۴۴۶۲ ټنه او د خواف –هرات ۵۲۸۶۰ له لارې ټنه انتقالات شوي، چې ټولټال ۴۲۱۷۰۰ ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه صادرات دي، په سنبلې مياشت کې ۱۹۴۶ ټنه ټرانزیت او صادرات شوي، چې لویه برخه یې وچه مېوه ،د انارو جوس وریژې دي.
هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.
د ا.ا.ا د ټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته لا زياتې اسانتياوې برابرې کړي.
