د سالنګ لویې لارې  د ۳۰ کیلومتره سړک د اساسي ترمیم چارې پیل شوې

ashraf_admin
پنجشنبه ۱۴۰۱/۶/۳۱ - ۱۲:۳۵
د سالنګ لویې لارې  د ۳۰ کیلومتره سړک د اساسي ترمیم چارې پیل شوې

 

 دټولګټو وزارت لخوا د سالنګ لویې لارې  د ۳۰ کیلومتره سړک د اساسي ترمیم او بیا رغونې کار پیل شو.
په دې اړه جوړو شویو مراسمو کې، چې د ټولګټو وزارت تخنیکي معین محترم مولوي عبد الکریم فاتح، د اسلامي امارت د ویاند مرستیال بلال کریمي، د ټولګټو وزارت یو شمیر رئيسانو ګډون کړی وو. 
په یادو مراسمو کې د ټولګټو وزارت تخنیکي معین، د سالنګ لویې لارې د ۳۰ کیلومتره سړک د ترمیم او بیارغونې په اړه معلومات وړاندې کړل، ویې ویل: دا سړک ۳۰ کیلومتره اوږدوالی، ۹ متره پلنوالی او ۱.۵ متره د سړک غاړو په لرلو سره په اساسي ډول ترمیم او بیارغول کېږي، چې ۱۰ کیلومتره به په شمالي سالنګ او ۱۰ کیلومتره په جنوبي سالنګ کې په اسفالټ ډول، چې د سړو سیمو لپاره ځانګړی قیر له ایران هیواد څخه ورته وارد شوی دی او ۱۰ کیلومتره نور به د تونل په دننه برخه کې په کانکریټي ډول سره په اساسي ډول ترمیم او بیاورغول شي. 
دټولګټو وزارت تخنیکي معین همدارنګه وویل: د یاد سړک په اوږدو کې دوه پایې پلونه، یو شمیر پولګوټې، د تونل د زهکشي سیستم او ګالریو ترمیم هم شامل دي، چې تر راتلونکي یوه کال پورې به یې د بیارغونې چارې بشپړې شي هغه وویل ټولګټو وزارت هڅه کوي، چې هیوادوالو ته د ترانسپورتي اسانتیاوو د رامنځته کولو په موخه دې ورته پروژې تطبیق کړي. 

هغه همدا راز زیاته کړه د سالنګ لویې لارې ته د افغانستان اسلامي امارت د ټولګټو وزارت ځانګړې پاملرنه کوي، چې دیادې پروژې لګښت هم د رياست الوزرا محترم مقام له لوري اختصاص شوې بودیجې څخه ورکړل شي. 
ورپسې په دغو مراسمو کې د اسلامي امارت مرستیال ویاند محترم مولوي بلال کریمي خبري وکړې، هغه د ټولګټو وزارت هڅې وستایلې او د شمال ولایتونو ولسونو ته په ځانګړي ډول د سالنګ ولسوالۍ اوسېدونکو ته یې ډاډ ورکړ، چې اسلامي امارت د سالنګ لویې لارې ټولنیز او اقتصادي ارزښت ته کتو سره د یادې لویې لارې بشپړ ترمیم ته ژمن دی او د خلکو د ستونزو د حل په برخه کې د اساسي خدمتونو د وړاندې کولو هڅه کوي.
 په همدي لړ کې د سالنګونو د ساتنې او څارنې رئیس محترم حافظ محمد یعقوب د یادې ترمیماتي پروژې د ارزښت په اړه خبرې وکړي او ډاډ یې ورکړ، چې دا پروژه به د ټولو اړوند تخنیکي مشخصاتو په پام کې نیولو سره تطبیق شي او د کار د غوره کیفیت په موخه په پرله پسې ډول نظارت ترې وکړي. او چا ته به دفساد اجازه ور نه کړي.
په پای کې یو شمیر دیني عالمانو او قومي مخورو خبرې وکړې، دوی د یادې ترمیماتي پروژې پر تطبیق خوښي څرګنده کړه او د ټولګټو وزارت له هڅو څخه یې د قدرداني تر څنګ د نورو پروژو د تطبیق غوښتنه وکړه. 

دسالنګ لویه لار د هیواد یوه له مهمو ټرانزیټي لویو لارو څخه ده، چې د هیواد له مرکز سره د شمال ولایتونو پر نښلون سربیره له ګاونډیو هیوادونو سره د سوداګریزو توکو په لیږد رالیږد (صادرات او واردات) کې اغیزمن اقتصادي رول لري چې په دی ورستیوکې د لوړ تناژ موټرو د تردد له امله ویجاړه شوې وه
اوس مهال ټولګټو وزارت د یادو ستونزو په پام کې نیولو سره له خصوصي ودانیزو شرکتونو سره په همغږۍ د یادې لویې لارې (۳۰) کیلومتره سړک په اساسي ډول ترمیم او بیاورغونې کار پیل کړ.
د دغه سړک د ترمیم پرمهال به یو شمیر هیوادوالو ته د کار زمینه برابره شي او د کار له بشپړیدو سره به یې شته ترافیکي ستونزې هواري شي. 

د ټولګټو وزارت رسنیز دفتر

.

1 month 3 weeks ago

.

.
aa

تازه ترین اخبار

دوشنبه ۱۴۰۱/۸/۳۰ - ۱۱:۶
Background image

وضعیت امروز شاهراه سالنگ ها:


شاهراه سانگ ها بروی وسائط باربری از طرف شمال باز و وسائط مسافربری بطور عادی دو طرفه رفت و آمد مینمایند.
منسوبین ریاست حفظ و مراقبت سالنگها وزارت فواید عامه در بخش های مختلف غرض کنترول،. . .

شنبه ۱۴۰۱/۸/۲۸ - ۱۳:۳۱
Background image

خوست: کار اعمار پل غلنگ ولسوالی موسی خیل آغاز شد

کار اعمار پل غلنگ ولسوالی موسی خیل ولایت خوست با همکاری مالی مردم و بنیاد خیریه حق با حضور مقامات محلی آغاز گردید.

این پُل، وصل کننده مسیر ولسوالی های موسی خیل و قلندر ولایت خوست با. . .

شنبه ۱۴۰۱/۸/۲۸ - ۱۱:۳۰
Background image

وضعیت امروز شاهراه سالنگ ها:

امروز در سالنگ ها برفباری خفیف جریان داشته و قرار پیش بینی در طول روز وضعیت موجود ممکن ادامه یابد.

وسائط باربری به طور نوبت و وسائط مسافربری دو طرفه با زنجیر "چین" در حرکت میباشند.

و. . .

BACK TO NEWS