د سالنګ لویې لارې  د ۳۰ کیلومتره سړک د اساسي ترمیم چارې پیل شوې

ashraf_admin
پنجشنبه ۱۴۰۱/۶/۳۱ - ۱۲:۳۵
د سالنګ لویې لارې  د ۳۰ کیلومتره سړک د اساسي ترمیم چارې پیل شوې

 

 دټولګټو وزارت لخوا د سالنګ لویې لارې  د ۳۰ کیلومتره سړک د اساسي ترمیم او بیا رغونې کار پیل شو.
په دې اړه جوړو شویو مراسمو کې، چې د ټولګټو وزارت تخنیکي معین محترم مولوي عبد الکریم فاتح، د اسلامي امارت د ویاند مرستیال بلال کریمي، د ټولګټو وزارت یو شمیر رئيسانو ګډون کړی وو. 
په یادو مراسمو کې د ټولګټو وزارت تخنیکي معین، د سالنګ لویې لارې د ۳۰ کیلومتره سړک د ترمیم او بیارغونې په اړه معلومات وړاندې کړل، ویې ویل: دا سړک ۳۰ کیلومتره اوږدوالی، ۹ متره پلنوالی او ۱.۵ متره د سړک غاړو په لرلو سره په اساسي ډول ترمیم او بیارغول کېږي، چې ۱۰ کیلومتره به په شمالي سالنګ او ۱۰ کیلومتره په جنوبي سالنګ کې په اسفالټ ډول، چې د سړو سیمو لپاره ځانګړی قیر له ایران هیواد څخه ورته وارد شوی دی او ۱۰ کیلومتره نور به د تونل په دننه برخه کې په کانکریټي ډول سره په اساسي ډول ترمیم او بیاورغول شي. 
دټولګټو وزارت تخنیکي معین همدارنګه وویل: د یاد سړک په اوږدو کې دوه پایې پلونه، یو شمیر پولګوټې، د تونل د زهکشي سیستم او ګالریو ترمیم هم شامل دي، چې تر راتلونکي یوه کال پورې به یې د بیارغونې چارې بشپړې شي هغه وویل ټولګټو وزارت هڅه کوي، چې هیوادوالو ته د ترانسپورتي اسانتیاوو د رامنځته کولو په موخه دې ورته پروژې تطبیق کړي. 

هغه همدا راز زیاته کړه د سالنګ لویې لارې ته د افغانستان اسلامي امارت د ټولګټو وزارت ځانګړې پاملرنه کوي، چې دیادې پروژې لګښت هم د رياست الوزرا محترم مقام له لوري اختصاص شوې بودیجې څخه ورکړل شي. 
ورپسې په دغو مراسمو کې د اسلامي امارت مرستیال ویاند محترم مولوي بلال کریمي خبري وکړې، هغه د ټولګټو وزارت هڅې وستایلې او د شمال ولایتونو ولسونو ته په ځانګړي ډول د سالنګ ولسوالۍ اوسېدونکو ته یې ډاډ ورکړ، چې اسلامي امارت د سالنګ لویې لارې ټولنیز او اقتصادي ارزښت ته کتو سره د یادې لویې لارې بشپړ ترمیم ته ژمن دی او د خلکو د ستونزو د حل په برخه کې د اساسي خدمتونو د وړاندې کولو هڅه کوي.
 په همدي لړ کې د سالنګونو د ساتنې او څارنې رئیس محترم حافظ محمد یعقوب د یادې ترمیماتي پروژې د ارزښت په اړه خبرې وکړي او ډاډ یې ورکړ، چې دا پروژه به د ټولو اړوند تخنیکي مشخصاتو په پام کې نیولو سره تطبیق شي او د کار د غوره کیفیت په موخه په پرله پسې ډول نظارت ترې وکړي. او چا ته به دفساد اجازه ور نه کړي.
په پای کې یو شمیر دیني عالمانو او قومي مخورو خبرې وکړې، دوی د یادې ترمیماتي پروژې پر تطبیق خوښي څرګنده کړه او د ټولګټو وزارت له هڅو څخه یې د قدرداني تر څنګ د نورو پروژو د تطبیق غوښتنه وکړه. 

دسالنګ لویه لار د هیواد یوه له مهمو ټرانزیټي لویو لارو څخه ده، چې د هیواد له مرکز سره د شمال ولایتونو پر نښلون سربیره له ګاونډیو هیوادونو سره د سوداګریزو توکو په لیږد رالیږد (صادرات او واردات) کې اغیزمن اقتصادي رول لري چې په دی ورستیوکې د لوړ تناژ موټرو د تردد له امله ویجاړه شوې وه
اوس مهال ټولګټو وزارت د یادو ستونزو په پام کې نیولو سره له خصوصي ودانیزو شرکتونو سره په همغږۍ د یادې لویې لارې (۳۰) کیلومتره سړک په اساسي ډول ترمیم او بیاورغونې کار پیل کړ.
د دغه سړک د ترمیم پرمهال به یو شمیر هیوادوالو ته د کار زمینه برابره شي او د کار له بشپړیدو سره به یې شته ترافیکي ستونزې هواري شي. 

د ټولګټو وزارت رسنیز دفتر

...

9 ساعتونه 30 minutes ago

...

...

تازه خبرونه

پنجشنبه ۱۴۰۱/۷/۷ - ۱۳:۲۲
Background image

لوګر: د خوښي – ازري ۴۵ کیلومتره سړک د هموارکاري او چغل اچونې کار دوام لري:

د لوګر ولایت د ټولګټو ریاست د ماشینري او تخنیکي پرسونل پر مټ د دغه ولایت د خوښي – ازري سړک د هموارکاري او چغل اچونې کار دوام لري.

دا سړک، چې ۴۵ کیلومتره اوږدوالی لري، د یاد ولایت له. . .

پنجشنبه ۱۴۰۱/۷/۷ - ۱۱:۵۲
Background image

د ټولګټو وزارت د کلني پلانونو د تطبیق په موخه د ظرفیت لوړونې ۱۰ ورځنی سیمینار تر سره شو

د ټولګټو وزارت د کلني پلانونو د تطبیق او د ریاست الوزرأ د عالي مقام حکم د اجرأ په موخه د دغه وزارت د کارکوونکو او مفتشینو د ظرفیتونو لوړولو په موخه ۱۰ ورځنی سیمینار جوړ شو.

په دغه. . .

چهارشنبه ۱۴۰۱/۷/۶ - ۱۲:۱۲
Background image

د ټولګټو وزارت د یو شمیر ولایتي ریاستونو ورځني فعالیتونه

هیوادوالو ته د ترانسپورتي اسانتیاوو د برابرولو په موخه د ټولګټو وزارت ټول ولایتي ریاستونه له شته ماشینري او اړوند تخنیکي پرسونل څخه په ګټې اخیستلو سره هره ورځ د هیواد په بیلابیلو برخو. . .

BACK TO NEWS