ټولګټو وزارت په تېره یوه اونۍ کې سلګونه کیلومتره سړکونه او لویې لارې په چټکي له واورو پاکي کړي:

ټولګټو وزارت د ا.ا.ا، له حاکمیت څخه را پدېخوا؛ د تېرو کلونو په پرتله، په روان ژمي کې، د واورو له امله د بندو سړکونو او لویو لارو په پاکولو کې چټګ او کوټلي ګامونه اخیسي دي.

دغه وزارت، له شته فني او مسلکي پرسونل څخه په مؤثرې ګټي اخیستنې سره، سږ کال ژمی په کم مصرف او لیږ وخت کې، د هیواد په بېلابېلو برخو کې سلګونه کیلومتره سړکونه او لویې لارې له واورو څخه پاکي او د ترافیکي وسایطو پرمخ پرانیستلي دي.

ټولګټو وزارت، د مخکي جوړ شوي پلان په اساس، له قراردادي شرکتونو سره په همغږۍ په تېرو دوو ورځو کې د واورو له اورښت سره ۔ سره؛ د سالنګونو، کابل ۔ جلال آباد، کابل ۔ ګردیز،  ګردیز ۔ خوست، کابل ۔ غزني، میدان وردګ ۔ بامیان او دایکنډي او غور ۔ هرات لویو لارو د پاکولو او پرانیستلو تر څنګ، د پنجشیر عمومي سړک، د میدان وردګو نرخ ولسوالۍ سړک، د غزني واغظ ولسوالۍ سړک، د پکتیا ډنډپټان ولسوالۍ سړک، د زابل شینکۍ ولسوالۍ د ډب کوتل لار، له ورستیو واورو څخه په چټکۍ سره پاک کړي او د هیوادوالو د تګ راتګ پرمخ پرانیستي دي. 

همدارنګه، په هیواد کې د ورستیو واوري اورېدلو پر مهال د دغه وزارت د ولایتي ریاستونو تر څنګ، د سالنګونو ریاست او د اضطراري حالت او زیان قبلوونکو نقطو ریاست پرسونل په بېلابېلو واوري ځپلو مسیرونو کې شتون درلود، تر څو هیوادوال په ډاډه زړه تګ راتګ وکړای شي، له زړه بږنوکو پیښو څخه مخنیوی وشي او چاته مالي او ځاني زیان ونه رسیږي.