د هیواد د نښلونکو سړکونو او لویو لارو د نن ورځې وضعیت:
![د هیواد د نښلونکو سړکونو او لویو لارو د نن ورځې وضعیت:](/sites/default/files/2023-03/whatsapp_image_2023-03-24_at_10.56.45_pm_1.jpeg)
د سالنګونو لویه لار:
نن ورځ په سالنګونو کې هوا وریېځ ده، له تېرو دوو ورځو راهیسې د واورې ضخامت شاوخوا ۴۷ سانتي مترو ته رسیدلی، چې د پاکولو کار یې دوام لري او یاده لویه لار د ترافیکو پرمخ پرانیستې ده.
دا مهال مسافر وړونکي موټر له دواړو لورو او بار وړونکي موټر له شمال څخه جنوب ته تګ کوي، چې د ورځې په جریان کې به له جنوب څخه شمال لوري ته هم د تګ اجازه ورکړل شي.
غزني: د غزني – جغتو ولسوالۍ سړک، چې د واورې له امله په مومند کوتل کې بند شوی، دا مهال یې د پاکولو کار دوام لري.
میدان وردګ: د میدان وردګو ولایت د بهسود ولسوالۍ اړوند اوني کوتل، چې د واورې اورښت له امله بند شوی دی، دا مهال یې د پاکولو کار جریان لري.
د کابل – ګردیز لویه لار: دغه لویه لار، چې تېره ورځ د یوه عراده باروړونکي موټر د چپه کېدو له امله د ترافیکو پر مخ بنده شوې وه، د پکتیا د ټولګټو ریاست له لوري د ترافیکو د تګ راتګ پرمخ پرانیستل شوه.
کابل – جلال آباد: یاده لویه لار په لنډمهالې توګه د ماهیپر په سیمه کې د غرښوېدو له مله بنده شوې وه، بېرته د ترافیکو پرمخ خلاصه شوه.
د یادونې وړ ده، چې د هیواد په یو شمېر نورو ولایتونو کې له تېرو دوو ورځو راهیسې د واورې او باران اورښت دوام لري؛ خو د یادو ولایتونو ټول سړکونه او لویې لارې د ترافیکو د تګ راتګ پرمخ پرانیستې دي.
د ټولګټو وزارت ولایتي ریاستونو اړوند ماشینري او پرسونل لخوا؛ د واورو او د اوبو له پاتې شونو څخه د بېلابېلو سړکونو د پاکولو چارې جریان لري.