په تېره یوه اوونۍکې د اوسپنې پټلۍ له لارې ۹۱۳۷۳ مټریک ټنه انتقالات شوي دي
په تېره یوه اوونۍکې د ۱۴۰۴ هـ.ش. کال د سنبلې مياشتي له ۱۴مې نيټې څخه ترسنبلې ۲۰مې نېټې پورې د ټولګټو وزارت د اوسپنې پټلۍ له لارې ۹۱۳۷۳ مټریک ټنه انتقالات شوي دي.
د حیرتان بندر له لارې ۶۴۸۵۹ ټنه، د آقینې بندر له لارې ۲۱۷۱ ټنه، د تورغونډۍ بندر له لارې ۱۰۷۸۱ ټنه او د خواف –هرات ۱۳۵۶۲ له لارې ټنه انتقالات شوي، چې ټولټال ۹۱۳۷۳ ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه صادرات دي، په تېره یوه اوونۍکې ۳۵۶ ټنه صادرات شوي، چې یوه برخه وچه میوه او مس دی.
هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.
ټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته لا زياتې اسانتياوې برابرې کړي.
