د کابل ښار په اوولسمه ناحیه کې د څه باندې ۲ کیلومتره سړک رغنیزې چارې ۵۲ سلنه پرمختګ لري
دا اسفالټ سړک چې ۲.۳۷ کیلومتره اوږدوالی لري، د ټولګټو وزارت لخوا د کابل ښار د اوولسمې ناحیې اړوند د سولې ښارګوټې په سیمه کې جوړېږي، چې اوس مهال یې رغنیزې چارې له ۵۲ سلنه پرمختګ سره دوام لري.
د یادې پروژې د رغنیزو چارو تړون د ټولګټو وزارت او یو خصوصي ودانیز شرکت ترمنځ لاس لیک شوی چې ټول مالي لګښت یې د افغانستان دولت له پراختیایي بودیجې څخه ورکول کېږي.
د یاد سړک د جوړلو پرمهال د اړوند سیمې ګڼو خلکو ته د کار زمینه برابره شوې او د کار له بشپړېدو سره به یې د سیمې د خلکو ترانسپورټي ستونزې تر پخوا راکمې شي دغه راز به د چاپېریال په ښکلا او ساتنه کې هم د پام وړ رول ولوبوي.
دا په داسې حال کې ده چې، د هیواد په لرو پرتو سیمو کې د ټولګټو وزارت له لوري د پخو او اساسي (اسفالټ( سړکونو ترڅنګ د جغلي سړکونو پراختیایي پروژو چارې روانې دي، چې د خلکو د ټرانسپورټي ستونزو د هوارې ترڅنګ یې د سیمې اوسېدونکو ته يې هم ګڼ کاري فرصتونه رامنځته کړي دي.
د ټولګټو وزارت رسنیزدفتر
