تخار: د اشکمش – بنگي سړک د جغل اوچونې کار بشپړ شو
د تخار ولایت د ټولگټو ریاست لخوا د دې ولایت د اشکمش – بنگي ولسوالۍ تر منځ د ۱۰ کیلومتره غځیدلي سړک د جغل اچونې چارې بشپړي شوې.
د سړک د جغل اچونې دا پروژه د ټولگټو وزارت له لوري له یوه خصوصي ودانیز شرکت سره د څه باندې ۳ میلیونه افغانیو په ارزښت تړون شوې وه، چې مالي لگښت یې د ا.ا.ا، له لوري ورکول شوی دی او دا مهال یې د جغل اچونې کار بشپړ شو.
د دغې پروژې د کار په جریان کې د سیمې اوسیدونکو ته په مستقیم او غیر مستقیم ډول سره د کار زمینه هم رامنځته شوې وه، چې دا مهال به یې د کار له بشپړیدو سره د دغه ولایت د اشکمش او بنگي ولسوالیو د اوسیدونکو ترانسپورتي ستونزې د پخوا په پرتله هوارې شي.
ټولگټو وزارت هڅه کوي تر څو خپلو مالي امکاناتو ته په کتلو سره د هیوادوالو ترانسپورتي ستونزې هوارې کړي.
