د افغانستان د اوسپنې پټلۍ له لارې د ۱۴۰۴ هـ.ش کال په لومړۍ ربع کې ۹۵۳۰۲۰ ټنه انتقالات ترسره شوي دي
د ۱۴۰۴ هجري شمسي کال په لومړۍ ربع کې(حمل، ثور،جوزا) میاشت کې د ټولګټو وزارت اوسپنې پټلۍ له لارې ټولټال ۹۵۳۰۲۰ متریک ټنه انتقالات ترسره شوي دي.
د حیرتان بندر له لارې ۷۲۶۹۴۶ متریک ټنه، د آقینې بندر له لارې ۶۸۴۳۶ متریک ټنه، د تورغونډۍ بندر له لارې ۸۵۸۵۶ متریک ټنه او د خواف-هرات له لارې ۷۱۷۸۲ متریک ټنه، چې ټولټال ۹۵۳۰۲۰ مټریک ټنه نفتي، غیر نفتي او نور مواد دي هیواد ته وارد او صادر شوي دي.
د انتقالاتو له ډلې یوه برخه ټرانزيټ او صادرات دي، په تېره لومړۍ ربع کې ( ۵۱۴۳۲) ټنه ټرانزيټ او صادرات شوي، چې لویه برخه یې وچه مېوه، معدني ډبرې، کچالو، وريجې او د انارو جوس دي.
هر څومره چې د اوسپنې پټلۍ له لارې د صادراتو او انتقالاتو کچه لوړيږي، په هماغه اندازه کاري فرصتونه برابریږي، ملي عواید زياتيږي او په ټوله کې اقتصادي ثبات، ترقۍ او ځان بسياينې ته لاره هواریږي.
ټولګټو وزارت هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته اړین سهولتونه چمتو کړي او د ملي عوايدو د زياتوالي په موخه د ريل پټلۍ له لارې د سوداګریزو توکو د لیږد-رالیږد بهیر روان او چټک وساتي.
